» » “Paşinyanın qalib gəlməsi təsdiq etdi ki, Ermənistan cəmiyyəti cinayətkar, uşaq qatili olan "Qarabağ klanı"na inanmır” – Deputat

“Paşinyanın qalib gəlməsi təsdiq etdi ki, Ermənistan cəmiyyəti cinayətkar, uşaq qatili olan "Qarabağ klanı"na inanmır” – Deputat


"Növbədənkənar parlament seçkilərində Ermənistanın Baş naziri vəzifəsini müvəqqəti icra edən Nikol Paşinyanın 53,92% səs toplayaraq qalib gəlməsi təsdiq etdi ki, Ermənistan cəmiyyəti cinayətkar, uşaq qatili olan "Qarabağ klanı"na inanmır".

Bunu Pravda.az-a açıqlamasında Milli Məclisin deputatı Nəsib Məhəməliyev deyib.

Deputat bildirib ki, Paşinyanın ikinci Qarabağ müharibəsində biabırçı şəkildə məğlub olmasına baxmayaraq, erməni xalqı onu dəstəklədi: "Köçəryan və Serj Sarkisyan müvafiq olaraq 21,04% və 5,23% səs topladıqları üçün hökuməti Nikol Paşinyan idarə edəcək. Amma bu, təxribatçı meyillərin və qarşıdurmaların olacağını istisna etmir. Hesab edirəm ki, yeni şəraitdə Ermənistan Rusiya ilə münasibətlərini yenidən nəzərdən keçirəcək. Ola bilər ki, Nikol Paşinyan Qərbdən ona vəd olunmuş maliyyə vəsaitlərini ala bilərsə, Rusiya ilə kəskin qarşıdurma yaratsın. Amma Rusiya siyasətində də bəzi dəyişikliklərin olması labüddür. Paşinyan çox yaxşı başa düşür ki, "Qarabağ klanı" Rusiya tərəfindən ciddi şəkildə dəstəklənir. Bütün bunlara baxmayaraq, erməni xalqının Nikol Paşinyanı dəstəkləməsi Rusiya əleyhinə səslərin çoxluğunu təsdiq edir. Fikrimcə, növbəti mərhələdə Azərbaycanla münasibətlərdəki bir sıra vacib məsələlərə, o cümlədən Zəngəzur dəhlizi məsələsinə baxılacaq".

Qeyd: Ermənistanın baş naziri vəzifəsini müvəqqəti icra edən Nikol Paşinyanın rəhbərlik etdiyi “Vətəndaş müqaviləsi” partiyası iyunun 20-də baş tutmuş növbədənkənar parlament seçkilərində qalib gəlib. Ermənistan Mərkəzi Seçki Komissiyasının məlumatına görə, 1 281 911 bülleten sayıldıqdan sonra Nikol Paşinyanın partiyasının 53,92% (687 251 seçici), keçmiş prezident Robert Köçəryanın rəhbərlik etdiyi “Ermənistan” blokunun isə 21,04% (268 165 seçici) səs topladığı təsdiqlənib.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı 050 691 32 26 Whatsapp nömrəsinə göndərin

Vilayət Eyvazov “Bandotdel”ə yeni rəis təyin etdi


Şərh yaz

Şərh yaz

yenilə, əgər kod görünmürsə