FLAŞ
» » Azərbaycan ordusu Xocalı qurbanlarının qisasını aldı - DEPUTAT

Azərbaycan ordusu Xocalı qurbanlarının qisasını aldı - DEPUTAT


Ermənilərin Xocalı şəhərində törətdiyi soyqırımından 29 il ötür.

Soyqırımla bağlı Sonxeber.az-la fikirlərini bölüşən deputat Nəsib Məhəməliyev bildirib ki, hər bir azərbaycanlının qəlbində sağalmaz yaraya çevrilmiş Xocalı faciəsindən 29 il ötür:

"Azərbaycan xalqı bu illər ərzində böyük kədər hissi ilə faciə qurbanlarını həm ölkə daxilində, həm də onun hüdudlarından kənarda dərin hüzn ilə anmış, nəsildən-nəsilə ötürmüşdür. Dövlətimiz faciənin soyqırımı kimi tanınması üçün beynəlxalq təşkilatlarda, dövlətlərarası münasibətlərdə daim məsələlər qaldırmış, harada yaşamaqlarından asılı olmayaraq soydaşlarımız təbliğat işlərində fəallıq göstərmişlər.

Heydər Əliyev fondunun vitse-prezidenti Leyla xanım Əliyevanın təşəbbüsü ilə "Xocalıya ədalət" kompaniyası keçirdiyi tədbirlərin məzmunu ilə xüsusilə seçilir. Aparılan məqsədyönlü siyasətin nəticəsi olaraq dünyanın 10 ölkəsinin parlamenti, Amerika Birləşmiş Ştatlarının 21 ştatı Xocalı faciəsini Soyqırım olaraq tanımışlar. Almaniya, Hollandiya, Meksika, Türkiyədə abidələr qoyulmuşdur.

Bir məsələni xüsusi olaraq qeyd etmək istəyirəm ki, əvvəlki illərdən fərqli olaraq bu ilki anım mərasimləri tam fərqli hisslərlə, şəhidlərin ruhunun şad olduğu şəraitdə keçirilir. Çünki Ali Baş Komandanın rəhbərliyi ilə müzəffər Azərbaycan ordusu torpaqlarımızı azad etmiş, Şəhidlərimizin intiqamı alınmış, qanları yerdə qalmamışdır. Allah onlara rəhmət eləsin!"

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Diqqət: Votsapda yayılan bu xəbərə inanmayın!


Şərh yaz

Şərh yaz

yenilə, əgər kod görünmürsə