FLAŞ
» » Vətən Qəhrəmanı adı qazanmış Balakənin general rütbəli igid oğlu

Vətən Qəhrəmanı adı qazanmış Balakənin general rütbəli igid oğlu


Böyük Vətən müharibəsi hər birimizin gözlədiyi və hec vaxt unutmayacağı tarixi anlar idi.

Bu qalibiyyət bütün Azərbaycan xalqının qalibiyyəti. Yaşlısı ilə, qocası ilə, dini, etnik , siyasi fərqlilik demədən hamı, bütün xalqımız bir oldu, yumruq oldu və bu yumruq ali baş komandanın təbirincə desək düşmənin başını əzdi. Bu zəfərin ən böyük qəhramanı savaşda vuruşan igidlərimizdi. Şübhəsiz ki, onların hər birinin xalqımızın qəlbində xüsusi yeri var. Nə qədər ki, Azərbaycan var, onların hər birinin xatirəsi qəlbimizdə əbədi yaşayacaqdır.

Bu qalibiyyətin komandanı və onun sərkərdələrinin adı isə zəfər tarixinə qızıl hərflərlə yazılacaqdır. Bəhs edəcəyimiz belə igid sərkərdələrdən biri
Balakən rayonunda hər kəsin haqqında fəxrlə danışdığı Dövlət Sərhəd Xidmətinin rəis müavini, general - leytenant İlham Mehdiyevdir. 
İlham Mehdiyev Azərbaycan Respublikasının Prezidenti, cənab Ali Baş Komandan İlham Əliyev tərəfindən " Vətən Müharibəsi Qəhramanı " fəxri adı ilə təltif edildi. Bir ali baş komandanın öz sərkərdəsini, öz generalını qəhraman elan etməsi böyük hadisədir və şübhəsiz ki, bu hər hərbçinin ən böyük arzusudur. Vətən savaşında döyüşmək , savaş meydanında əsl general olduğunu sübut etmək bir hərbiçi üçün əsl böyük xoşbəxtlikdir. Vətən savaşında Sərhəd Qoşunlarımızın igidliyi, sərhəd ətrafı bölgələrin düşmən işğalından azad edilməsi  və sərhəd xətlərinin möhkəmlənməsi kimi şərəfli bir əməliyyatı icra etmişdir. Sərhəd Qoşunlarının bu qalibiyyət savaşına komandiri isə general - leytenant Mehdiyev olmuşdur.

İlham Mehdiyev vətən savaşında Şərhə Qoşunlarının idarəçisi olmuş, Cəbrayıl və Zəngilan rayonlarının mühüm hissəsinin işğaldan azad edilməsi  əməliyyatına rəhbərlik etmişdir. İlham Mehdiyevin rəhbərlik etdiyi mühüm əməliyyatlardan biridə Arazboyu əməliyyatlardır. Bu əməliyyat 27 sentyabrdan başlamış və 22 oktyabrdan Zəngilan rayonun Ağbənd qəsəbəsinin işğalından azad edilməsi və Azərbaycan - İran sərhədinin tam nəzarət götürülməsi ilə nəticələnmişdir. Məhz bu əməliyyat Azərbaycan ordusunun Dağlıq Qarabağın daxilinə yolunu açmışdır. Sərhəd qoşunlarının keçirdiyi möhtəşəm əməliyyat nəticəsində tarixi Xudafərin körpüsü düşməndən azad edilmişdir, qardaşlıq körpüsünə Azərbaycan bayrağı asılmışdır.

İran - Azərbaycan Dövlət sərhədinin bərpa edilməsi nəticəsində qanunsuz silah dövriyyəsi, narkotik maddələrin daşınması və bir çox qanunsuzluğun qarşısı alınmışdır. İgid Azərbaycan əsgəri çox böyük tarixi missiyanı yerinə yetirmişdir. O sərkərdə xoşbəxtdir ki, belə müzəffər orduda komandirlik etmişdir. O ali baş komandan xoşbəxtdir ki, belə şərəfli bir ordunu qalibiyyətə götürmüşdür. Vətən savaşının qəhrəmanın həyat yolu təbii ki, həs üçün maraq kəsb edir. İlham İsmayıl oğlu Mehdiyev 2 avqust 1965 - ci ildə Balakən rayonun Hənifə kəndində anadan olmuşdur. Hərbi təhsilini Ukrayna da Odessa Ali Artilleriya Komandirləri Hərbi Məktəbində almışdır. 1993 - cü ildən 27 ildən çoxdur ki, xidmətdədir. 2008 - ci ildə " Vətənə Xidmətə görə " ordenlə , 2019 - cu ildə 3 - cü dərəcəli " Rəşadət " ordeni ilə təltif edilmişdir. Aprel döyüşlərində iştirak etmişdir. Zəngilan və Cəbrayıl , xüsusilə Xudafərin körpüsünün azad edilməsi əməliyyatına rəhbərlik etmişdir. 9 dekabr 2020 - ci ildə " Vətən Müharibəsi Qəhramanı " fəxri adı ilə təltif edilmişdir. İlham Mehdiyev Azərbaycan Respublikası Dövlət Sərhəd Xidmətinin rəis müavini, 2016 - cı ildən isə general - leytenant ali hərbi rütbəsindədir. Biz sizin döyüş yolunuza baxır, sizin uğurlarınızla fəxr edirik. Fəxr edirik ki, vətənimizin bir parçası olan bu torpaqdan belə igid oğullar çıxır . Allah sizlərə daha yeni qalibiyyətlər qazanmaq , xalqımıza daha gözəl sevinclər bəxş etmək üçün can sağlığı üzün versin. Qalibiyyətiniz, qalibiyyətimiz mübarək Vətən Qəhramanı olan el oğlumuz

Zeynal Əmrəliyev
İbrahim Şıxməmmədov
Balaken.info

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin





Azərbaycanda 27 yaşlı qız qarpızdan zəhərlənib öldü


Şərh yaz

Şərh yaz

yenilə, əgər kod görünmürsə