2018-ci ildə Almaniyada olanda bizim səfirliyin Dövlət günü ilə bağlı təşkil etdiyi tədbirə dəvət almışdım. Belə tədbirləri çox sevirəm çünki Almaniyanın fərqli şəhərlərində yaşayan, işləyən və oxuyan bütün həmvətənlərimiz bir araya gəlir, bir anlıq qürbət ölkədə özünü vətənində hiss edir insan. Bu tədbir eyni zamanda həmin ölkədə yaşayan həmvətənlər ilə tanış olmaq və dostlaşmaq üçün əla fürsətdir. Tədbirə qatıldığım zaman Berlində yaşayan bir şəxslə tanış oldum.

Haqqında danışacağım dostum adının və şirkətinin adının hallanmamsını məndən xaiş etdiyinə görə onu bu mətində O deyə ifadə edəcəm.

O artıq 5 ildən çox idi ki, Berlində yaşayırdı və burada biznesi var idi. Söhbət əsnasında burada nə iş gördüyünü soruşdum, Dedi ki, tələbə kimi gəlib sonra burada Azərbaycandan məhsul export eləmək işi ilə məşğul olmağa başlayıb. O zamanlar mənim, xaricdə biznes qurmağa xüsusi həvəsim və istəyim olduğuna görə belə real təcrübələr çox maraqlı gəlirdi. Onun ilə uzun-uzun söhbət etdikdən sonra dedi ki, gəl həftəsonu səni çox bəyəndim bir yerə Potsdamda bir gölün qırağında olan alman Beer Haus a dəvət edim orada  görüşək. Mən də razılaşdım və nömrələrimizi bir-birimizə verib getdik. Həftəsonu gəldi və bu dostumuz ilə dediyi məkanda görüşə getdim, hər şey yaxşı idi , gözəl məkan , dadlı alman yeməkləri falan arada mən ona Bakı-Qazax xatirələrimi o da mənə öz Gəncə – Bakı xatirələrini danışdıqdan sonra keçdim əsas məsləyə  sual verdim ki, indi sən tam olaraq nə iş görürsən burada, özü də Almaniyada vergi yükü çox ola-ola şirkət işlətmək hər oğlanın işi deyil?

Dedi;- Mən ayda iki gün işləyirəm və 1 nəfər işçim var o da öz xaloğlumdur. O da burada yox Bakıda evindən işləyir.

-Necə yəni, sən nə iş görürsən ki, ayda 2 gününü alır ?

– Mən tələbə vaxt Bakıdan hədiyyə olaraq öz müəllimə kiçik bir xalça hədiyyə etmişdim. Bu müəllimin xoşuna gəldi sonra digər müəllimlərdə də belə xalça istədi. Bundan əlavə olaraq müəllimin bir neçə dostu da bu xalçanı bəyənmişdi. Bir gün müəllimim mənə dedi ki, bizə bu xalçadan gətirə bilərsən pulu ilə, mən də xalam oğluna dedim O da bakıda toxucu qadınlar tapıb mənə hazırlanma vaxtını və qiymətini dedi mən də ilk xalçalarımı alıb burdakı müəlliminin çevrəsinə satdım . Sonra bu sifariş ara-sıra oldu qərara gəldim ki, bu işi görüm özümə 30$ bir loqo hazırlatdım freelancer.com dan və bir vizitka çıxartdım sonra da 120$ hindistanlı bir developerə özümə sadə korperativ sayt yığdırdım və Bakıdan aldığım kataloqları qoluma vurub dərsdən sonra həftə sonları Almaniyada daxili sərgilərə gedib ordakı şirkətlərə öz xalçalarımı təqdim edib onlar üçün özəl xalçaların belə toxunacağını söylədim və hər sərgidən  1-2 müştəri tapmağa başladım. İlk başlar bir az çətin olurdu.

– Bəs qazancı necə edirdin ?

– Qazanc prinsipini çox sadə qoymuşdum hər bir məhsulu Bakıdakı qiymətindən 10 qat baha satırdım məsələn 200 avroya Bakıda toxuduğum Xalçanı burada 2000 avroya satırdım. Belə məhsulları burada ucuz satsan insanlar bunun saxt və keyfiyyətsiz olduğunu düşünər çünki əl işləri Avropada çox dəyərli hesab edilir.

–  Məhsulların paylanmasını necə qurmuşdu ?

– Mənim xalamoğlu əvəllər teksil sektorunda olmuşdu və o sahəni yaxşı bilirdi mən buradan sifarişləri ona göndərirdim o orada toxucu xalalara ilkin ödəməni edir və məhsulu toxudur sonra çatdırılma xidməti ilə Berlinə mənə göndərirdi mən də, buradan birbaşa öz müştərilərimə göndərirdim.

– Ayda neçə günün alır bu iş ?

– Toplam ayda 2 dəfə işləyirəm. Bir gün mənim sifarişləri qəbul edib göndərməyimə gedir. İkinci gün isə maliyyə hesabat işlərinə edir.

– Digər 28 gündə nə edirsən bəs sıxıcı gəlmir ?

– Yox əslində digər günlərdə fərqli ölkələrdə fərqli sərgilərdə oluram həm öz şirkətimi təmsil edirəm yeni əlaqələr qururam bundan əlavə həmin şəhəri ölkəni turist kimi gəzirəm. Qısacası sərgi adı altında səyahət edirəm.

– Bu iş səni qane edirmi?

– Aylıq ortlama 50 min dollar mənə xalis mənfəət qalır ki, Berlin kimi şəhərdə yaxşı puldur. Almaniyada vergi ödəyicisiyəm. Xalça işi premium iş kimi sayılır Avropada. İndiyə kimi 5 mindən çox irili-xırdalı müştərim olub. Bu işin sahəsində çoxlu insanlar tanımışam və yaxşı əlaqələrim var. Hətta nazirlər səviyyəsində mənə sifariş belə olub. Bəzi şirkətlər üçün exclusive xalçalar  hazırlatmışam.  Bu günə kimi , 70-dən çox ölkədən müştərim olub,

– Səncə Azərbaycandan bu malları çıxarımaq problem olmadı ki, bizim gömrük vəziyyəti bəllidir ?

– Fərid bilirsən mən bəhanələrə yox bir şeyi həll etməyə yönələn adamam. Təbii ki, ilk başda məndə də çoxlu problem oldu amma hər şeyin həlli olduğunu bilən adamam. Məsələn, Bakıdan xalçalar haqqında kitablar gətirib aylarla o kitabları oxumağa başladım. Çoxlu videolara baxdım, Çoxlu xalçaçı adamdan fikirlər, məsləhətlər aldım. İndi mən xalçaya baxan kimi onun bütün rentgenini çıxara bilirəm hərçəndki, xalça toxuya bilməsəm də. Bilirsən ən çox sevdiyim şey insanlar bu xalçanın Azərbaycandan gəldiyini, bizim yerli xalça olduğunu bilmələri sevindirir. Buralarda bizim xalçalar artıq brenddir.

Bu dostumla bu söhbətdən sonra qatara minib şəhərin mərkəzinə hotelə qayıdana qədər özümü qəribə hiss etdim əslində bir şeyin fərqində idim ki, bir çox şeylər əlimizin altındadır digər bir düşüncəm isə adi bir qığılcımı böyük bir alova çevirmək bizdən aslıdır eyni ilə o dostumun müəlliminə hədiyyə etdiyi xalça kimi eyni ilə hamımızın evində istifadə etdiyi xalça kimi. Bu bir dostumun hekayəsi idi əziz oxucu ümid edirəm sənin üçün maraqlı olubdur. Növbəti hekayələrdə görüşənə qədər.

maharramli.com\\