Sosial şəbəkədə Qida Təhlükəsizliyi Agentliyinin uşaq bağçalarını 1500 manat məbləğində cərimələməsi barədə məlumat yayılıb.
Qida Təhlükəsizliyi Agentliyi (AQTA) bizimyol.info-nun sorğusuna cavabda uşaq bağçalarının cərimə olunması ilə bağlı xəbəri təkzib etdi.

Agentlikdən bildirilib ki, yayılan məlumatlar absurddur və reallığı əks etdirmir: “ Heç bir məktəbəqədər təhsil müəssisəsində – uşaq bağçalarında AQTA tərəfindən hər hansı inzibati tədbir, o cümlədən iddia olunduğu kimi “1500 manat cərimə” sanksiyası tətbiq olunmayıb”.

Kütləvi informiya vasitələrinin nümayəndələrindən bu cür məsələlərə diqqətlə yanaşmaq, informasiyanı dəqiqləşdirməmiş məlumat yaymamaq xahiş olunur.

Ramid İbrahimov