Balakəndə özünü güllələyən şəxsin qolu amputasiya edilib. 

APA TV-nin şimal-qərb bürosunun məlumatına görə, avqustun 2-i axşam saatlarında rayonun Kortala kənd sakini, 1963-cü il təvəllüdlü Məhəmməd Hacıbəy oğlu Bayramov sol qolunun çoxsaylı qırma yaraları ilə Balakən Mərkəzi Rayon Xəstəxanasına daxil olub. 

Həkimlər onun sol qolunu amputasiya edib.

Xatırladaq ki, yaralı bir həmkəndlisi ilə son vaxtlar həyətlərə soxularaq sakinlərin təsərrüfatına ziyan vuran yırtıcı heyvanları məhv etmək üçün yaxınlıqdakı meşəlik əraziyə gedib. 

Ərazidə gəzərkən yıxılıb və əlində olan ov tüfəngi açılıb. Nəticədə Məhəmməd Bayramov ağır yaralanıb.  

Faktla bağlı araşdırma aparılır.