Balaken.info Balakən Rayon İcra Hakimiyyətinin rəsmi Facebook səhifəsinə istinadən xəbər verir ki, 28 iyul 2026-cı il tarixində saat 09:00-dan etibarən qaz xətlərində aparılacaq təmir işləri ilə əlaqədar Balakən rayonunda Katex və Beretbinə kəndləri istisna olmaqla digər yaşayış məntəqələrinin təbii qaz təchizatı dayandırılacaq.

Təmir işləri başa çatanadək davam edəcək fasilə ümumilikdə 20 609 abonenti əhatə edəcək.

Qaz təchizatının təmir işləri yekunlaşdıqdan sonra mərhələli şəkildə bərpa ediləcəyi bildirilib.

Balaken.info sakinlərə qaz cihazlarından istifadə zamanı təhlükəsizlik qaydalarına əməl etməyi və qazın verilməsi bərpa olunduqdan sonra cihazları diqqətlə yoxlamağı tövsiyə edir.

Şahidi olduğunuz hadisələri çəkib bizə göndərin! 7/24 whatsapp