Balakən rayonunda günün ikinci yarısından etibarən hava şəraiti kəskin dəyişib. Rayon ərazisinə daxil olan qeyri-sabit hava kütlələri nəticəsində güclü leysan xarakterli yağışlar müşahidə olunub.

Məlumata görə, saat 16:30-dan başlayaraq ölkənin Şimal-qərb bölgəsində, o cümlədən Balakən rayonunda intensiv yağıntılar qeydə alınıb. Yağışlarla əlaqədar bəzi dağ çaylarında suyun səviyyəsində artım müşahidə edilir.

Aidiyyəti qurumlar tərəfindən vəziyyət nəzarətdə saxlanılır, sakinlərə ehtiyatlı olmaları tövsiyə olunur.

Sinoptiklərin məlumatına əsasən, yaxın saatlarda bölgədə yağıntılı hava şəraitinin davam edəcəyi gözlənilir.

Şahidi olduğunuz hadisələri çəkib bizə göndərin! 7/24 whatsapp