25-27 may tarixlərində Balakən rayonunda küləkli hava şəraitinin müşahidə olunacağı gözlənilir.

Balaken.info xəbər verir ki, bununla bağlı Milli Hidrometeorologiya Xidməti tərəfindən sarı xəbərdarlıq elan olunub.

Məlumata əsasən, Balakən rayonu üzrə şimal-qərb küləyinin əsəcəyi, küləyin sürətinin isə 13.9–20.7 m/san təşkil edəcəyi proqnozlaşdırılır.

Sinoptiklər əhaliyə ehtiyatlı olmağı tövsiyə edir. Xüsusilə açıq ərazilərdə, hündür ağacların və elektrik xətlərinin yaxınlığında təhlükəsizlik qaydalarına riayət olunması məsləhət görülür.

Qeyd edək ki, xəbərdarlıq 25-27 may tarixlərini əhatə edir və hava şəraitindən asılı olaraq yenilənə bilər.

Şahidi olduğunuz hadisələri çəkib bizə göndərin! 7/24 whatsapp