18 mart 2026-cı il tarixində saat 09:00-dan etibarən qaz xətlərində aparılacaq təmir işləri ilə əlaqədar Balakən rayonunun bir sıra yaşayış məntəqələrində mavi yanacaq təchizatında müvəqqəti fasilə yaranacaq.

Planlaşdırılan işlər başa çatanadək rayonun Katex, Hənifə, Qazma, Sarıbulaq, Meşəşambul, Qaysa, Yeni Şərif, Şərif və Xalatala kəndləri, eləcə də Qabaqçöl qəsəbəsi qazsız qalacaq. Ümumilikdə 9028 abonentin bu fasilədən təsirlənəcəyi bildirilir.

Aidiyyəti qurumlar tərəfindən aparılan təmir işlərinin gün ərzində yekunlaşdırılması nəzərdə tutulur. Qaz təchizatının işlər tamamlandıqdan sonra mərhələli şəkildə bərpa olunacağı qeyd edilir.

Sakinlərdən yaranan narahatlığı nəzərə alaraq əvvəlcədən zəruri tədbirlər görmələri xahiş olunur.

Şahidi olduğunuz hadisələri çəkib bizə göndərin! 7/24 whatsapp