Balaken.info - nun əldə etdiyi məlumata görə, Balakən Rayon İcra Hakimiyyəti başçısının Aparatında inzibati vəzifələrin 6-cı təsnifatına aid olan Sosial-iqtisadi və memarlıq-tikinti məsələləri şöbəsinin müdir müavini – Memarlıq-tikinti məsələləri sektorunun müdiri vəzifəsi hal-hazırda vakandır.

Vəzifənin qulluq funksiyaları rayon ərazisində memarlıq, şəhərsalma, tikinti, kommunal təsərrüfat və mənzil-istismar sahələrində dövlət siyasətinin həyata keçirilməsinin təmin edilməsini və bu sahələr üzrə qanunvericiliyin tələblərinə əməl olunmasına nəzarətin təşkilini, şəhərsalma və tikinti sahəsində dövlət nəzarətinin həyata keçirilməsini, qanunsuz tikintilərin aşkar edilməsi və aradan qaldırılması üçün tədbirlərin görülməsini, yaşayış məntəqələrinin baş planlarının və müfəssəl planlaşdırma layihələrinin hazırlanmasında iştirak edilməsini, tikintiyə icazə sənədlərinin hazırlanmasını və müraciətlərin baxılmasını, eyni zamanda kommunal təsərrüfatın, mühəndis kommunikasiya xətlərinin və dövlət mənzil fondunun idarə olunmasını, abadlıq və yaşıllaşdırma işlərinin həyata keçirilməsini, ətraf mühitin mühafizəsi, sanitariya-epidemioloji vəziyyətin yaxşılaşdırılması və milli-tarixi irsin qorunması sahəsində aidiyyəti qurumlarla birgə tədbirlərin görülməsini, habelə fövqəladə halların nəticələrinin aradan qaldırılmasında iştirak edilməsini əhatə edir.

Namizədlərdən Memarlıq, Şəhərsalma, İnşaat mühəndisliyi ixtisasları üzrə ali təhsil, struktur bölmənin fəaliyyət istiqamətləri və ya vəzifənin fəaliyyət sahəsi üzrə dövlət qulluğunda azı 3 il iş stajı və yaxud struktur bölmənin fəaliyyət istiqamətləri və ya vəzifənin fəaliyyət sahəsi üzrə azı 4 il iş stajı, habelə müsahibədə iştirak hüququ verən AC3 sertifikatı tələb olunur.

Müəyyən edilmiş tələblərə cavab verən şəxslərin Balakən Rayon İcra Hakimiyyətinə müraciət etməsi tövsiyə olunur.

Şahidi olduğunuz hadisələri çəkib bizə göndərin! 7/24 whatsapp