Balakən rayonunun Yeni Şərif kəndində ötən gün axşam saatlarında yanğın hadisəsi baş verib. Kənd sakini Hacımohuma Ramazan oğlu Padarova məxsus, ümumi sahəsi 88 kv/m olan kürsülü, birmərtəbəli və 3 otaqdan ibarət fərdi yaşayış evində yanğın qeydə alınıb.

Hadisə zamanı evin yanar konstruksiyaları və içərisindəki əşyalar tamamilə yanaraq külə dönüb. Yanğın həmçinin yaşayış evinə bitişik iki yardımçı tikiliyə də ciddi ziyan vurub.

Məlumata görə, yanğın zamanı xəsarət alan olmayıb. Hadisənin söndürülməsinə Balakən rayon Dövlət Yanğından Mühafizə Hissəsinin qüvvələri cəlb olunub.

Faktla bağlı araşdırma aparılır.

Şahidi olduğunuz hadisələri çəkib bizə göndərin! 7/24 whatsapp