Livan, Suriya, daha əvvəl İraqdan ermənilərin Azərbaycanın işğal olunmuş ərazilərində məskunlaşdırılması qanuna ziddir və iki ölkə arasında konfliktin dərinləşməsinə xidmət edir.

Son 30 ildə Dünya erməniliyi davamlı şəkildə indiki Ermənistanı və işğal olunmuş əraziləri, əsasən müsəlman ölkələrində yaşayan erməniləri cəlb etməklə süni şəkildə demoqrafik vəziyyəti yaxşılaşdırmağa çalışırlar. Bundan ötrü, gəlmə ermənilərin mənzil şəraitinin yaxşılaşdırılması, ev tikmək üçün tikinti materiallarının, torpaqların verilməsi kimi dövlət proqramları tərtib etmişlər. Ancaq ötən dövür göstərdi ki, bütün bu güzəştlərə baxmayaraq, ciddi irəliləyişə nail olmayıblar. Ermənilər heç bir ölkədən perspektivsiz Ermənistana və Azərbaycan ərazilərilərinə köç etməyə meylli deyillər. Məsələ ondadır ki, Tovuz hadisələrindən sonra Ermənistan cəmiyyətində əməlli başlı xof yaranmışdır. Əvvəllər döyüş əməliyyatları Dağlıq Qarabağ ərazisində yerləşən təmas xəttində keçirildiyindən Ermənistan cəmiyyəti soyuqqanlı yanaşırdı. Ancaq son döyüşlərdə və sonra 11 minlik Türk ordusunun Azərbaycana gəlişi, Türkiyənin siyasi-hərbi rəhbərliyinin bəyanatları, cənab Prezidentin türk komandanlarını qəbul etməsi erməniləri təşvişə salmışdır. Hadisələr ərəfəsində erməni mətbuatı ölkədən qaçmaq istəyən panikaya düşmüş soydaşları barədə çoxsaylı məlumatlar hazırlayırdı. Düşünürəm ki, bunları nəzərə alan ermənilər Dağlıq Qarabağa və işğal olunmuş ərazilərə muzdlu terroristləri gətirə bilərlər. Burada münaqişənin həlli ilə məşğul olmalı olan beynəlxalq təşkilatların susqunluğu, faktları görməməzlikdən gəlmələri təəssüf doğurur. Əgər o təşkilatlar, MDB ərazisində mövcud olan analoji konfliklərdə olduğu kimi, erməni separatçılarına da qarşı müvafiq tədbirlər görsəydilər, təbii ki, belə vəziyyət yaranmazdı. Yenə də məlum səbəblər... Hesab edirəm ki, onların bu təxribatları da iflasa uğrayacaq. Azərbaycan əsgəri öz sözünü deyəcək. İnşallah qələbə bizimlədir.