FLAŞ
» » “Ölkə başçısının şəhid general Polad Həşimovla bağlı tapşırığı Azərbaycan xalqının ürəyindən oldu”

“Ölkə başçısının şəhid general Polad Həşimovla bağlı tapşırığı Azərbaycan xalqının ürəyindən oldu”


Nəsib Məhəməliyev: “Bu, bütövlükdə şəhidlərimizə, qazilərimizə verilən qiymətdir”

Məlum olduğu kimi, ölkə başçısı iyul döyüşlərinin qəhrəmanlarından olan mərhum general Polad Həşimovun xatirəsini əbədiləşdirmək üçün onun adının Qəbələ küçələrindən birinə verilməsi ilə bağlı göstəriş verib.

Moderator.az-a açıqlamasında ölkə başçısının məlum qərarını şərh edən millət vəkili Nəsib Məhəməliyev, məsələ ilə bağlı maraqlı fikirlər səsləndirib:

“Respublika Prezidenti İlham Əliyevin, Qəbələ şəhərinin küçələrindən birinə şəhid general Polad Həşimovun adının verilməsi barədə tapşırıq verməsi bütövlükdə Azərbaycan xalqının ürəyindən oldu. Şəhidlərin xatirəsinin əbədiləşdirilməsi, ilk növbədə torpaqlarımızın bütövlüyü uğrunda canından keçmiş hər bir insanın dövlət tərəfindən diqqətdə saxlanması ilə yanaşı, gənc nəslin hərbi vətənpərvərlik ruhunda tərbiyə olunması baxımından çox önəmlidir.

İyul ayının 12-14-də erməni ordusunun Tovuz istiqamətdə xain təxribatı nəticəsIndə həlak olmuş general-mayor Polad Həşimov 2016- cı ilin aprel döyüşlərində də xüsusi qəhrəmanlıq göstərmiş və ölkə Başçısı tərəfindən ordenlə təltif olunmuşdu. Onun nə qədər vətəninə bağlı, peşəkar, ən çətin anlarda belə öz əsgərləri ilə birlikdə olduğu, onların qayğısına qaldığı barədə çoxsaylı yazılar, döyüş yoldaşlarının xatirələri mətbuatda dərc olundu. Şəhid generalımızın keçdiyi şərəfli həyat yol, onun adının əbədiləşdirilməsini şərtləndirir və dövlətimiz də bu istiqamətdə lazım olan addımı atdı.

Şübhəsiz, dövlət tərəfindən atılan bu tipli addımlar, bütövlükdə şəhidlərimizə, qazilərimizə verilən qiymətdir. Bu mövzu ilə əlaqədar cənab Prezident dəfələrlə öz mövqeyini bəyan etmişdir. “ Heç bir şəhid, onun ailəsi, torpaqlarımız uğrunda sağlamlığını itirmiş əlil, dövlətin diqqətindən kənarda qalmayacaqdır”.

1-ci vitse-prezident Mehriban xanım Əliyeva dövlətin sosial siyasətinə bilavasitə rəhbərlik edən şəxs kimi, hər bir şəhid ailəsini, Qarabağ, “20 yanvar”, Əfqanıstan, Çernobıl əllilərinin problemlərini gündəlik fəaliyyətində nəzarətdə saxlayır.

Əgər faktlara nəzər saldıqda görərik ki, 8000 mindən yuxarı şəhid ailəsinə, Qarabağ əlilinə mənzil verilmiş və yaxud fərdi ev tikilmişdir və proses gedir. İstisnasız olaraq bütün şəhid ailələrinə birdəfəlik 11 000 manat yardım verilmişdir. Onlara verilən Prezident təqaüdü artırılmış, minlərlə minik avtomobilləri ilə təmin olunmuşlar. Dövlət tərəfindən verilən sosial yardımların miqdarı hər il artırılır. Dövlət təhsil müəssisələrində təhsil haqqı dövlət tərəfindən ödənilir. Əlillərin məşğulluq məsələləri həllini tapır. Təbii ki, bütün bunlar xalqımız tərəfindən yüksək qiymətləndirilir. Ələlxüsus gənclərdə vətənpərvərlik ruhunu aşılayır. Aprel döyüşlərində və Tovuz istiqamətində törədilən təxribatlardan sonra, ölkəmizin daxilində və bir çox xarici ölkələrdə soydaşlarımızın keçirdikləri mitinqlər, nümayiş etdirdikləri milli birlik görülən işin sübutudur”.

Seymur ƏLİYEV

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin







Təhsil müəssisələrində dərslərin dayandırılması müddəti uzadıldı


Şərh yaz

Şərh yaz

yenilə, əgər kod görünmürsə