Dünən Milli Məclisin Beynəlxalq Münasibətlər və Parlamentlər arası əlaqələr komitəsinin üzvlərinin videoformat vasitəsilə müzakirələr keçirilib.

Komitənin toplantısında iştirak edən millət vəkili Nəsib Məhəməliyev viziontv.az saytnına bildirdi ki, müzakirələrə Diaspora komitəsinin nümayəndəsi də qoşulmuşdu və yaranmış vəziyyətlə bağlı xeyli təkliflər səsləndirildi. Millət vəkili bizimlə söhbətində xarici ölkələrdə soydaşlarımızın, diaspora təşkilatlatlarının keçirdiyi aksiyalar barədə fikrini bildirdi: “Xarici ölkələrdə keçirilən aksiyalar Azərbaycan xalqının çətin dövrlərdə milli həmrəylik nümayiş etdirməsinin göstəricisidir. Eyni zamanda harada yaşamaqlarından asılı olmayaraq, doğma vətənin problemlərinin onlar üçün şərəf məsələsi olduğunu və bundan ötrü hər bir çətinliyə hazır olduqlarını bildirirlər. Son hadisələrin fonunda dünya birliyi bir daha Ermənistanın reqionda işğalçı dövlət olduğunu, nə qədər ki, torpaqlar azad olunmayıb, təxribatların daim davam edəcəyini yəqin etdilər. ABŞ Konqresinin qaydalar komitəsinin 296 saylı qanuna etdiyi əlavələr, Avropa parlamentinin Cənubi Qafqaz üzrə məruzəçilərinin bəyanatları, Qoşulmama Hərəkatının, İslam Əməkdaşlıq Təşkilatı ölkələrinin, GUAM, Türkdilli ölkələrin Azərbaycana göstərdikləri dəstək düşmənlərimizin təklənməsinə səbəb olmuşdur. Artıq beynəlxalq birlik ölkəmizin haqlı mövqeyini dəstəkləyir. Ermənistanın ən yaxın havadarları belə açıq şəkildə dəstək verə bilmirlər. Başqa bir məsələ isə, erməni-daşnakların və onlara zəhər verənlərin, Dağlıq Qarabağ konfliktinin süni şəkildə uzadılaraq, xalqın unutqanlığına hesablanmış cəhdləri idi. Amerikadan, Avropadan, Asiya ölkələrinə qədər həmvətənlərimizin keçirdikləri mitinqlər bunun yanlış olduğunu, Azərbaycan xalqının heç vaxt işğal faktını qəbul etməyəcəyini sübut etdi. Belə bir vəziyyətdə düşmən öz xislətinə uyğun olaraq, diqqəti əsas problemdən yayındırmaq məqsədilə, gənclərimizi yeni təxribatlara çəkdilər. Koliforniyanın Los-Anjeles şəhərində minlərlə erməni 50-60 nəfər gəncin üzərinə hücum çəkməkdən utanmadılar. Belçikada, Rusiyada belə xoşagəlməz hadisələr baş verdi. İndiki halda, erməni təxribatına uymaq bizə qətiyyən sərf eləmir. Millət olaraq düşmənin əlinə o arqumentləri verməməliyik. Ona görə də, dünən Milli Məclisin Beynəlxalq Münasibətlər və Parlamentlər arası əlaqələr komitəsinin üzvlərinin videoformat vasitəsilə müzakirələr keçiridi. Hesab edirəm ki, müzakirələr əhmiyyətli oldu və konkret işlər görüləcəkdir”.