FLAŞ
» » Prezident İlham Əliyevin keçirdiyi video-müşavirə, zamanında və gələcəyə hesablanmış bir tədbir idi-deputat Nəsib Məhəməliyev

Prezident İlham Əliyevin keçirdiyi video-müşavirə, zamanında və gələcəyə hesablanmış bir tədbir idi-deputat Nəsib Məhəməliyev


Ölkə Başçısının su təsərrüfatının idarə olunması ilə bağlı keçirdiyi video-müşavirə, zamanında və gələcəyə hesablanmış əhəmiyyətli bir tədbir idi.

Azərbaycan xalqı əyani şəkildə, ən aktual məsələrdən biri hesab olunan içməli və texniki su ilə əlaqədar vəziyyətin nə yerdə olduğunu real şəkildə gördü.

Ayrı-ayrı reqionlarda, quraqlıq səbəbindən yaranmış su qıtlığı və hökumətin atdığı addımlar barədə konkret tapşırıqlar verildi. Diqqətimi çəkən əsas məqamları qeyd etmək istərdim:

- Aprel ayında cənab Prezidentin yaratdığı dövlət komissiyasının olduqca doğru addım kimi qiymətləndirirəm. Hesab edirəm ki, bu komissiya, su ehtiyatlarının idarə olunmasında ən innovativ ideyaları ölkəmizə gətirəcək, gələcəkdə su qıtlığının olmaması, yeni su mənbələrinin yaradılması üçün bütün imkanlardan istifadə edəcəkdir. Ümumiyyətlə Respublikanın ekoloji mühitinin sağlamlaşması üçün yeni konsepsiya hazırlayacaqdır. Təbiətə ziyan vura bilən istənilən layihələrin qarşısı alınacaqdır.

- Bölgələrdə icra olunmuş su-kanalizasiya layihələrində buraxılmış nöqsanlar aradan qaldırılacaq, yeni layihələr isə, uzun müddətli perspektivə hesablanacaqdır.

- Ölkə Başçısı su ehtiyatlarının idarə olunması, ekoloji problemlərin həlli üçün, hər bir Azərbaycan vətəndaşının fikrinin öyrənilməsini tapşırdı. Tərtib olunacaq tədbirlər planında hidrotexniki mütəxəssislərlə yanaşı, alimlərin, ekoloqların, qeyri-hökumət təşkilatlatlarının nümayəndələrinin iştirakını zəruri saymaqla, vətəndaş cəmiyyətinin üzvlərini ümummilli problemlərin müzakirəsinə cəlb etdi.

Bu da bir ilkdir. Ümumiyyətlə müşavirə, ciddi iş rejimində keçdi. Mövcud problemlərin aradan qaldırılması ilə bağlı verilən tapşırıqlar və gələcək üçün strateji vəzifələrin müəyyənləşməsilə yadda qaldı. Müşavirəni olduqca məhsuldar hesab edirəm.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin





Deputat Nəsib Məhəməliyev Azərbaycan xalqını 28 May – Respublika Günü münasibətilə təbrik edib


Şərh yaz

Şərh yaz

yenilə, əgər kod görünmürsə