İyul ayının 12-15-də Tovuz istiqamətində törədilmiş təxribatlara görə Ermənistan, dünya ictimaiyyəti tərəfindən kəskin qınanılır. Məkrli, riyakar eyni zamanda Qafqaz xalqlarına yad, ancaq erməni xislətinə xas olan ən ağır cinayətləri törətmək və ağlaşma quraraq bütün dünyaya günahsız olduqları haqda car çəkmək siyasəti artıq keçmir.

Bu günlərdə qardaş Türkiyənin Böyük Millət Məclisini təmsil edən Ədalət və inkişaf, Cümhuriyyət Xalq, Milliyətçi hərəka və İYİ partiyalarının qrup Başkan vəkilləri tərəfindən Azərbaycana dəstək bəyanatı imzalanmışdır.

Dost çətin gündə tanınar. Düşməni də tanımaq lazımdır. Yalnız “HDP” adında, dövlətinin verdiyi bütün imtiyazlardan istifadə edərək, hər addımda arxadan zərbə vuran, öz dövlətinə, millətinə xəyanət edən bu partiyadan başqa.

TƏŞƏKKÜRLƏR TÜRKİYƏ!!!

İkinci xoş xəbər isə dünən İngiltərə parlamentində Tovuzda baş vermiş son hadisələrin müzakirəyə çıxarılmasıdır. Ermənistan-Azərbaycan-Dağlıq Qarabağ probleminin yaxın zamanlarda həll olunması, 1993-cü ildə işğal olunmuş torpaqlardan erməni silahlı qüvvələrinin çıxarılması üçün hökumətə tapşırıq verilmişdir. İlk dəfə belə bir qərarın İngiltərə Parlamenti tərəfindən qəbul olunması, ölkəmizin Rəhbəri İlham Əliyevin beynəlxalq nüfuzunun, müəyyənləşdirdiyi xarici siyasət kursunun nəticəsidir. Cənab Prezidentin qeyd etdiyi kimi” artıq müasir dünyada erməni yalanları keçmir”

Uzun illər Ermənistana rəhbərlik etmiş cinayətkar “Qarabağ” klanının çevriliş nəticəsində hakimiyyətdən uzaqlaşdırıldıqdan sonra, ictimaiyyətdə müəyyən ümidlər yaranmışdı ki, konflikt sülh yolu ilə ədalətli həllini tapacaqdır. Təəssüf ki, küçə diplomatı Paşinyan sələflərinin yolunu təkrar etdi. Hətta çox sifətli, daha aqressiv siyasət yürütməklə, özünü və ölkəsini “tupik” vəziyyətinə saldı. Dünya birliyi, eləcə də ənənəvi müttəfiqləri belə, Paşinyan adlı klouna yaxşı bələddirlər.

İnşallah Qələbə bizimlədir.

Nəsib Məhəməliyev
Milli Məclisin deputatı