FLAŞ
» » “Hücum diplomatiyasına uyğun olaraq Xarici İşlər Nazirliyində islahatlar aparılmalıdır” - Deputat

“Hücum diplomatiyasına uyğun olaraq Xarici İşlər Nazirliyində islahatlar aparılmalıdır” - Deputat


“Təəssüf ki, dövlət başçısının apardığı çoxşaxəli siyasətə Xarici İşlər Nazirliyi tərəfindən lazımi diplomatik addımlar arzu olunan səviyyədə deyil. Təkcə bir faktı xatırlatmaq kifayətdir ki, Tovuz istiqamətində gedən döyüşlərdə ölkə başçısı başda olmaqla, Təhlükəsizlik Şurasının bütün üzvləri səhərə qədər vəzifə başında olmaqlarına baxmayaraq, Xarici İşlər naziri evində rahat istirahət edirmiş. Halbuki, belə ekstremal vəziyyətlərdə olduqca çevik, operativ diplomatik gedişlərin aparılması vacibdir”.

Bunu Bizimyol.info-ya açıqlamasında Milli Məclisin deputatı Nəsib Məhəməliyev bildirib.


Deputat qeyd edib ki, informasiya müharibəsinin düzgün aparılmasından, problemin mahiyyətini dünya birliyinə, beynəlxalq təşkilatlara vaxtında çatdırılmasından çox şey asılıdır: “Bunlar isə həmin nazirliyin bilavasitə vəzifəsidir. Görünən odur ki, bu vəzifələrin öhdəsindən XİN-i nəinki öhdəsindən gəlmir, eyni zamanda aparatın iş fəaliyyətində də çox saylı qüsurlar mövcuddur. Bütün bunları nəzərə alan dövlət başçısı haqlı olaraq ciddi iradlarını bildirdi. Hesab edirəm ki, yeni nazir Prezidentin hücum diplomatiyası ilə bağlı iradlarını və tapşırıqlarını rəhbər tutaraq əsaslı islahatlar aparacaq”.

Ramid İbrahimov

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin





Bu il Ağcabədi, Balakən və Bakıda "ASAN xidmət" mərkəzlərinin fəaliyyətə başlaması nəzərdə tutulub


Şərh yaz

Şərh yaz

yenilə, əgər kod görünmürsə