» » Dağıstan sərhədində toplanmış vətəndaşlarımızla bağlı məsələnin həlli gecikdirildi-deputat Nəsib Məhəməliyev

Dağıstan sərhədində toplanmış vətəndaşlarımızla bağlı məsələnin həlli gecikdirildi-deputat Nəsib Məhəməliyev


Xəbər verdiyimiz kimi Rusiya polisi gözyaşardıcı qaz və dəyənəklərdən istifadə edərək Azərbaycan vətəndaşlarının Dağıstan ərazisində yerləşən Kullardakı etiraz aksiyasını qəddarcasına dağıdıb.

Bir çox etirazçı müxtəlif dərəcəli xəsarətlər alıb. Saxlanılanlar var. Hələlik baş verənlərə rəsmi münasibət bildirilməyib. Milli Məclisin deputatı Nəsib Məhəməliyev isə insidentlə bağlı bunları bildirdi:”Dağıstan sərhədində toplanmış vətəndaşlarımızla bağlı məsələnin həlli gecikdirildi. Vəziyyətin bu səviyyəyə çatdırılması düzgün deyil. Əvvəldən onların sayı az olanda, karantin rejimi qaydalarına uyğun olaraq, sərhəddən keçidləri təmin olunmalıydı. Sərhədyanı rayonlarımızda kifayət qədər istirahət mərkəzləri, otellər mövcuddur ki, o insanları orada yerləşdirmək mümkündür.

Nazirlər kabineti yanında operativ qərargahın xarici ölkələrdə olan vətəndaşlarımızın gətirilməsi ilə bağlı tədbirlər planı var. Ancaq sərhəddəki həmvətənlərimizin gətirilməsinə ehtiyac yoxdur. Sadəcə onların keçidini təmin etmək kifayətdir. Onların əksəriyyəti sağlam insanlardır. Amma onların kütləvi şəkildə aylarla bir yerdə olması, koronovirusun yayılma ehtimalını artırır.

Hesab edirəm ki, onların problemi təcili həll olunmalıdır. Bu həm də bir dövlət olaraq, imic məsələsidir. Çünki, hər gün müxtəlif telekanallar, ölkəmizə qarşı qarayaxma kompaniyaları aparan qüvvələrə arqument verməməliyik”.

Visiontv.az

Aprel ayına olan hava proqnozu açıqlandı