Mayın 24 və 25-i Azərbaycanda Ramazan bayramının qeyd edilməsi gözlənilir. Ramazan bayramında Azərbaycanda insanların çölə çıxması qadağa oluna bilərmi?

Bununla bağlı Sonxeber.az-a danışan deputat Nəsib Məhəməliyev bildirib ki, son günlərin koronovirusla bağlı statistikası arxayınlıq üçün əsas vermir: "Hər gün 100-dən yuxarı yeni yoluxma hallarının qeydə alınması, təhlükənin sovuşmadığının, əksinə getdikcə çoxalmasının göstəricisidir. Qardaş Türkiyədə əhalinin Ramazan bayramı ilə əlaqədar adət-ənənəsini nəzərə alaraq dörd günlük əlavə sərt karantin rejimi tətbiq edilir. Əgər bizdə də sistemli artım baş verərsə, qaydaların sərtləşdirilməsi qaçılmaz olacaq. Karantin rejiminin ləğ olunması vətəndaşlar tərəfindən çox böyük sevinclə qarşılandı. Ancaq daha da məsuliyyətli olmaq, qaydalara ciddi riayət etmək lazımdır. İyunun sonuna qədər karantin rejiminin tam ləğv edilməsinə gəldikdə isə, bu bilavasitə mövcud vəziyyətdən asılıdır".

Aysel Yusifqızı