“Koronovirus pandemiyası ümumbəşəri problem olduğuna görə dünya ölkələri üçün bir imtahan idi”. 

Bu barədə “Sherg.az”a açıqlamasında millət vəkili Nəsib Məhəməliyev deyib. 

Deputat bildirib ki, Azərbaycan Prezidenti İlham Əliyevin zamanında qəbul etdiyi qəti qərarların icrası nəticəsində, ölkəmiz bu imtahandan uğurla çıxmağı bacardı:

“İlk günlərdən başlayaraq, təsdiq olunmuş iqtisadi, sosial paketlərin nəticəsində koronovirusa görə tətbiq olunan karantin rejimindən zərər çəkmiş imkansız ailələrə, kiçik və orta sahibkarlara, biznes strukturlarına göstərilən dövlət dəstəyi əhalinin belə bir həssas dövrdə normal yaşayışını təmin etdi. Nəticədə xalq ən çətin dövrdə belə dövlətin vətəndaşın yanında olduğunu gördü. Ölkə başçısının bütün sosial layihələrin icrası haqqında verdiyi bəyanatlar, əhalinin məşğulluq probleminin həlli istiqamətində əlavə olaraq 50 min iş yerinin dövlət hesabına açılması, 10 yeni modul tipli xəstəxananın tikintisi, xarici ölkələrdən soydaşlarımızın gətirilməsi, elektrik enerjisinə tətbiq olunan limitin 100 kv artırılması, bank kreditlərinin ödənilməsi müddətinin uzadılması və digər tədbirlər vətəndaşların rifahının yaxşılaşması ilə bərabər Azərbaycanın iqtisadi qüdrətini göstərmiş oldu. Təbii olaraq hər bir Azərbaycan vətəndaşı kimi, cənab Prezidentin atdığı addımları təqdir edirəm və belə bir çətin sınaqdan dövləti üzüağ çıxardığına görə qürur hissi keçirirəm”.