FLAŞ
» » "Prezidentin operativ tədbirləri nəticəsində virusun Silahlı Qüvvələrə yayılmasının qarşısı alındı"- Deputat

"Prezidentin operativ tədbirləri nəticəsində virusun Silahlı Qüvvələrə yayılmasının qarşısı alındı"- Deputat


Azərbaycan Silahlı Qüvvələrinin bölmələri bütün karantin dövrü ərzində ölkənin bütün ərazilərində bütün qoşun növlərinin taktiki-praktik, komanda-qərargah və digər təlimlərini keçiriblər. Bu gün Azərbaycan Ordusunun döyüşçüləri müharibə sənəti bacarıqlarını inkişaf etdiriblər.

Bununla bağlı Sonxeber.az-a danışan deputat Nəsib Məhəməliyev bildirib ki, Azərbaycan silahlı qüvvələrinə məxsus ayrı-ayrı qoşun növlərinin mütəmadi olaraq taktiki təlimlər keçirməsi, şəxsi heyətin döyüş qabiliyyətinin, peşəkarlığının artmasına, yeni alınmış texnikanın öyrənilməsinə, ələlxüsus müasir döyüş şəraitində əvəzsiz rola malik informasiya kommunikasiya texnologiyalarının mənimsənilməsində əhəmiyyəti çox böyükdür: "Silahlı qüvvələrin Ali Baş Komandanı tərəfindən təsdiq olunan plana uyğun şəkildə keçirilən komanda-qərargah təlimləri, real müharibə şəraitində ordunun qarşısında duran vəzifələrin yerinə yetirilməsi, işğal olunan torpaqlarımızın geri qaytarılması üçün belə təlimlər daim keçirilməlidir. Təsadüfi deyil ki, hər birimizin qürur mənbəyinə çevrilmiş Azərbaycan ordusu dünyanın ən güclü 50 ordusu siyahısına daxil olmuşdur. Koronovirus pandemiyası ilə əlaqədar Respublika Prezidenti cənab İlham Əliyevn apardığı operativ, qabaqlayıcı tədbirlər nəticəsində virusun Silahlı Qüvvələrə yayılmasının qarşısı alındı. Səfərbərlik müddətinin may ayının 31-ə kimi uzadılması isə, zamanında görülmüş tədbir olmaqla, xalq tərəfindən müsbət qarşılandı. Nə qədər ki, Dağlıq Qarabağ problemi Azərbaycanın ərazi bütövlüyü çərçivəsində beynəlxalq hüquq normalarına uyğun şəkildə həllini tapmayıb, ordumuzun döyüş qabiliyyəti daim təkmilləşdirilməli, texniki təchizatı müasirləşdiriməlidir və bu məsələ cəmiyyətimizdə prioritet təşkil etməlidir".

Aysel Yusifqızı

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Ağdam şəhərinin baş planı təqdim olundu, şəhərin bərpasının təməl daşı qoyuldu


Şərh yaz

Şərh yaz

yenilə, əgər kod görünmürsə