31 Mart - 20 Aprel dövründə Azərbaycan Prezidenti İlham Əliyev iki iclas keçirdi. Bu iclaslarda COVID-19 pandemiyası kontekstində sosial-iqtisadi məsələlər müzakirə olunub. Qeyd edilən dövrdə, Dövlət başçısı iqtisadiyyat nazirini qəbul edib, bir sıra infrastruktur və sosial obyektlər, o cümlədən tibbi maskalar istehsal edən istehsal müəssisəsinin istifadəyə verdi.

Bununla bağlı Sonxeber.az-a danışan Nəsib Məhəməliyev bildirib ki, fevralın 28-də Azərbaycanda ilk dəfə koronovirus aşkarlandı: "Ölkə başçısı pandemiyanın qarşısını almaq üçün hərtərəfli düşünülmüş addımlar atdı. Sözü gedən müşavirələrdə də həmçinin iqtisadiyyat və sosial müdafiə nazirlərinə əhalinin rifah halının yaxşılaşdırılması üçün əlavə tədbirlərin görülməsi üçün tapşırıqlarını verdi. Cənab Prezident mövcud vəziyyəti təhlil edərək, əvvəl qəbul olunmuş sosial paketin əhalinin tələbatını ödəmədiyini, 3 milyardlıq yeni sosial paketin icrası və gələcəkdə ehtiyac yaranarsa, 3,5 milyarda çatdırılacağını bildirdi. Covid-19-la mübarizə üçün açılan Yeni klinika, modul tipli xəstəxanaların tikintisi, maska və dezinfeksiyaedici məhsulların istehsalının təşkil olunması xaricdən asılılığı aradan götürür. Bütün bunlar və digər tədbirlər təbii ki, əhali tərəfindən yüksək qiymətləndirilir. Hər bir vətəndaş öz üzərində dövlətin qayğısını hiss edir və ölkə başçısının siyasətini tam dəstəkləyir. Bu yaxınlarda aparılan sorğuların nəticəsi, 94,7 faiz əhalinin cənab Prezidentə rəğbət bəsləməsi öz özlüyündə isbatıdır".


Aysel Yusifqızı