Bu gün bütün ölkələr kimi Azərbaycan da koronavirusla mübarizə aparır. 

Ölkədə koronavirusun yayılmasının qarşısını almaq üçün elan olunmuş xüsusi karantin rejiminə görə Azəbaycanda bir çox iaşə obyektləri fəaliyyətini dayandırıb. Bu da bir çox insanların gəlirlərinə təsir edib. Ən çox da bankdan kredit götürən şəxslərə. Banklar karantin rejim bitənə kimi faizləri dondura bilərmi?

"Azərbaycan Respublikasının Prezidenti cənab İlham Əliyevin koronovirusla mübarizə ilə əlaqədar yaratdığı 4 işçi qrupundan birinə məhz Mərkəzi Bankın rəhbərliyi sədirlik edir. Həmin qrup karantin rejimi müddətində alınmış kreditlərə görə faizlərin dondurulması məsələlərini təhlil edərək hökumətə öz təkliflərini verəcək. Həqiqət ondan ibarətdir ki, karantin rejimi ərzində iqtisadi aktivlik aşağı səviyyədədir. Bu da sahibkarların, eyni zamanda ayrı-ayrı vətəndaşların banklar qarşısında götürdükləri öhdəlikləri yerinə yetirmsində problemlər yaşanır. Hesab edirəm ki, pandemiyanın sonuna qədər bankların kredit faizlərini müvəqqəti dondurması bu sahədə yaranmış gərginliyin aradan götürülməsi ilə nəticələnərdi".