Koronavirus xəstəliyi bir sıra ölkələrdə şiddətləndiyi halda, bəzi ölkələrdə artıq azalmağa doğru gedir. Norveç səhiyyə naziri artıq xəstəliyin nəzarət altına alındığını açıqlayıb. Nazir deyib ki, sərt tədbirlərdən sonra xəsətliyin yayılması kəskin şəkildə azalıb, artıq xəstə sayı artmır.Norveçdə 5755 nəfərdə koronavirus tapılıb, 59 nəfər isə dünaysını dəyişib.Belçikada da artıq xəstəliyin yayılması azalıb. Ölkə baş naziri sosial təcrid – karantinin tədricən götürülməyə başlayacaqlarını bildirib. Belçikada aprelin 19-dək karantin elan olunsa da, xəstəliyin azalması səbəbi ilə karantin götürülür.Danimarka hökuməti də aprelin 15-dən etibarən karantinin götürüləcəyi, məktəb və bağçaların açılacağını elan edib.Ən çox koronavirus ölümlərinin qeydə alındığı İspaniyada da aprelin 2-dən sonra ölüm hallarında azalma başlayıb. Çində də bu gün ilk dəfə koronavirusdan ölüm halı qeydə alınmayıb. Bu faktlar pandemiyanın zəiflədiyinə işarə sayıla bilərmi? Pandemiyanın müəyyən şiddətli dövrünün arxada qaldığı, artıq yavaşlamağa başladığını demək olarmı?

Bununla bağlı SONXEBER.AZ-a danışan deputat Nəsib Məhəməliyev bildirib ki, indiki mərhələdə pandemiyanın yayılma sürətinin azaldığını iddia etmək qətiyyən doğru deyil: "Bəli, sadaladığınız ölkələrdə hadisələr müsbət istiqamətdə inkişaf edir. Amma bu kifayət deyil. Koronovirusun episentri sayılan Çində ötən sutka ərzində ilk dəfə ölüm qeydə alınmayıb. Ancaq 32 nəfər yeni yoluxan aşkarlanıb. Bütövlükdə dünya ölkələrinin statistikasına nəzər yetirdikdə, ciddi artımın, yəni 1 milyon 300- dən çox insanın virusa yoluxmasının şahidi oluruq. Aydındır ki, pandemiya sərhəd tanımır. Ümumdünya Səhiyyə Təşkilatı öz gündəlik hesabatlarında, əksər ölkələrdə kəskin azalmanı, COVİD-19 virusu əleyhinə vaksinlərin və dərmanların tapılmasını elan etməmiş, karantin rejimlərini ləğv etməmiş, bu barədə danışmaq tezdir. Son günlər ölkəmizdə aparılan sistemli işlər ümid yaradır ki, biz milli həmrəylik, vətəndaş məsuliyyəti nümayiş etdirərək pandemiyanın qalib gələrək, normal həyata qayıdacağıq".

Aysel Yusifqızı