Xəbər verdiyimiz kimi bu gün 78 nəfər koronavirusa yoluxub. Bununla da Azərbaycanda koronavirusa yoluxanların sayı 521-ə çatıb. Aprelin 20-nə kimi koronavirusun Azərbaycan ərazisində yayılmasının qarşı alınmasa karantin rejimin müddəti uzadıla bilərmi?

Bununla bağlı SONXEBER.AZ-a danışan Nəsib Məhəməliyev bildirib ki, hər birimiz gündəlik həyatımızda, gündəmin bir nömrəli məsələsi olan,koronovirusun inkişaf dinamikasını həyəcanla izləyirik: "Hökumət pandemiyanın yayılmasının qarşısını almaq üçün silsilə şəklində təsirli tədbirlər görür. Kütləvi informasiya vasitələri dünyanın müxtəlif ölkələrində ğörülən tədbirlər və yeni yoluxan,müalicə olunanlar və itkilər barədə statistik məlumatları əhalinin nəzərinə çatdırırlar. Ümumiyyətlə informasiya qıtlığı yoxdur və tam əksər ölkələrin tanınmış mütəxəssislərinin məsləhətləri ondan ibarətdir ki, xəstəliyə yoluxmaq istəmirsənsə, evdən bayıra çıxmamalısan. Şəxsi qiqiyenik normalara əməl etməlisən. Çox təəssüf ki, bu gün Azərbaycanda 78 nəfər koronovirusa yoluxmuşdur. Hər birimizin çox böyük səbirsizliklə gündəlik rəqəmlərin azalmasını gözlədiyimiz halda, əksinə artım olması kədərləndirir. Vətəndaşlarımız başa düşməlidirlər ki, ciddi zərurət olmadan evdən bayıra çıxmaqla, həm özlərinin,həm də yaxınlarının, təmasda olduqları digər insanların həyatlarını təhlükə altına atmış olurlar. Bir mənalı şəkildə anlamalıdırlar ki, ölmək istəmirsənsə, evdən bayıra çıxma. Əgər vətəndaşlarımız həmrəylik göstərərək, dövlətin müəyyənləşdirdiyi qaydalara riayət edəcəklərsə, yaxın zamanlarda koronovirusu lokallaşdırmaq olar. Əks halda, karantin rejimi qeyri müəyyən müddətə uzadıla, hətta fövqəladə vəziyyət elan oluna bilər. Hər şey ilk növbədə vətəndaş məsuliyyətindən asılıdır".

Aysel Yusifqızı