Sosial şəbəkələrdə dövlətin üç və dörd ulduzlu otellərin koronavirusdan şübhəli bilinən insanları yerləşdirmə yerləri kimi istifadəsi məsələsi müzakirə olunur. Əgər ehtiyac olarsa, üç və dörd ulduzlu otellərdən bu məqsədlə istifadə etmək mümükündürmü?

Bununla bağlı Sonxeber.az-a danışan Milli Məclisin deputatı Nəsib Məhəməliyev bildirib ki, hər şey koronovirusun yayılma dinamikasından asılıdır: "Hələlik buna ehtiyac yoxdur. Hökumətin gördüyü tədbirlər, virusun yayılmasının qarşısının alınmasına hesablanıb. Karantində olanlar və xəstələrlə bağlı profilaktik, müalicə tədbirləri aparılır. Proseslər Prezident İlham Əliyevin və Birinci vitse-prezident Mehriban xanım Əliyevanın şəxsi nəzarətindədir. Xəstəxanalarda kifayət qədər yer var. Allah eləməsin, əgər zərurət yaranarsa, bütün imkanları səfərbər etmək mümkündür. Düşünürəm ki, o həddə çatmaz".