"Koronovirusla mübarizə ilə bağlı xüsusi qanun layihəsi təcili hazırlanmalıdır".

Sonxeber.az xəbər verir ki, bu təkliflə Milli Məclisin bu gün keçirilən plenar iclasında deputat Nəsib Məhəməliyev çıxış edib.

Deputat qeyd edib ki, martın 10-da keçirilən 6-cı çağrış Milli Məclisin ilk iclasında cənab prezident xüsusi proqram xarakterli tarixi çıxış etdi. Düşünürəm ki, o çıxış ölkənin yol xəritəsini müəyyənləşdirərək deputatların və məmurların üzərinə böyük məsuliyyət qoydu. Bu məsuliyyətin öhdəsindən gəlmək üçün də qanunverici hakimiyyətlə icra hakimiyyəti orqanları sıx işləməsi vacibdir.

Daha sonra isə deputat bir çox ölkələr kimi Azərbaycanda da yayılan koronavirusla mübarizə ilə bağlı xüsusi qanunun layihəsinin təcili hazırlanmasını təklif etdi: "Biz bu qanunla həm də koronavirusla bağlı əhalinin təşvişini də azalda bilərik. Bundan əlavə koronovirusla bağlı təhlükə azalana qədər orta və ali məktəblərdə distan təhsil sisteminə keçmək lazımdır"