» » Deputat Nəsib Məhəməliyev: "Kriminal aləmin üzvlərindən qəhrəman düzəltmək lazım deyil"

Deputat Nəsib Məhəməliyev: "Kriminal aləmin üzvlərindən qəhrəman düzəltmək lazım deyil"


Son dövrlər yeniyetmələr və gənclər arasında "vorzakonluğa" meyllilik artıb. Gənclərin bir çoxu özünü kriminal aləmin insanlarına bənzətməyə çalışırlar. Bu gün 14-15 yaşında yeniyetmələr ciblərində gəzdirdiyi bıçaqlarla cinayət törədirlər.

Bununla bağlı Sonxeber.az-a danışan deputat Nəsib Məhməliyev bildirib ki, bu məsələ hər bir cəmiyyət üçün olduqca təhlükəlidir:
"Bunun qarşısı alınmalıdır. Cinayət aləmini təbliğ edən insanlar çox yalnış yoldadırlar. Təəssüf ki, bəzi hallarda tanınmış insanlar da krimnal aləmin ayrı-ayrı nümayəndələrini təbliğ edirlər. Eyni zamanda bəzi saytlar və jurnalistlər də bu işlə məşğul olurlar. Krimnal aləmin əsl mahiyyətini insanlara çatdırmaq lazımdır. Onlardan qəhrəman düzəltmək düzgün deyil. Geniş kütləyə onların əsas fəaliyyətinin nədən ibarət olduğunu çatdırmaq lazımdır. Yoxsa, bu problem getdikcə arta bilər. Bir neçə yerdən mənə bildiriblər ki, artıq orta məktəb şagirdləri ciblərində bıçaq gəzdirirlər. Bunun qarşısı alınmalıdır. Mən Milli Məclisdə bıçaqlanma nəticəsində baş verən ölüm hadisələrinə görə cinayət məcəlləsinin müvafiq maddəsinin sərtləşdirilməsi ilə bağlı təkliflə çıxış etmişəm. Bunun qarşısını ancaq maarifləndirməklə, təhsillə, mədəni səviyyəni artırmaqla ala bilərik".

Bəzi rayonlarda yağış yağıb, Balakəndə dolu düşüb – FAKTİKİ HAVA