» » Deputatlığa namizəd Nəsib Məhəməliyev Tülü kəndində seçicilərlə görüş keçirdi

Deputatlığa namizəd Nəsib Məhəməliyev Tülü kəndində seçicilərlə görüş keçirdi


6 fevral 2020-ci ildə saat 11:00-da YAP-ın 109 saylı Balakən seçki dairəsindən deputatlığa namizədi Nəsib Məhəməliyev Tülü Bələdiyyəsinin həyətində Tülü kəndindən olan seçicilərlə görüşmüşdür.

Tədbiri giriş sözü ilə açan YAP-ın Balakən rayon təşkilatının sədri Azad Balayev kənd sakinlərini salamlayaraq ölkədə keçirilən islahatlardan söz açdı, Azərbaycanın son dövrlər böyük dəyişiklik ərəfəsində olduğunu qeyd etdi. Ölkədə başlayan yenilənmə dalğasının qanunverici orqanıda əhatə etdiyinin bildirən iqdidar partiyasının rayon təşkilatının sədri bildirdi ki, dövlətimizin başçısı cənab İlham Əliyevin 9 fevral 2020-ci ildə 6-cı çağırış növbədənkənar parlament seçkilərinin elan edilməsi barədə sərancam imzalamaşdır. Azad Balayev qeyd etdi ki, çox sevindirci haldır ki, YAP-ın İdarə Heyəti bu seçkilərdə 109 saylı Balakən seçki dairəsindən Balakəni hər zaman qazandığı uğurlarla ləyaqətli şəkildə təmsil etmiş Nəsib Məhəməliyevin namizədliyini irəli sürmüşdür.

Daha sonra çıxış edən deputatlığa namizəd Nəsib Məhəməliyev Azərbaycanın son dövrlər yüksələn xəttlə inkişaf etdiyini, ulu öndərin hakimiyyəti gəlişindən sonra əsası qoyulmuş sabitlik və tərəqqi siyasətinin cənab İlham Əliyev tərəfindən uğurlu şəkildə həyata keçirilir seçicilərin diqqətinə çatdırdı. Balakənin hər zaman dövlət başçısının diqqət mərkəzində olduğunu bildirən iqdidar partiyasının namizədi bunun əyani sübutu kimi dünən- 5 fevral 2020-ci ildə cənab prezidentin imzaladığı sərancama əsasən Balakən rayonun Yevlax - Zaqatala - Gürcüstan dövlət sərhədi (155 km) Qullar - Tülü - Talalar - Şərif - Acılıqbinə - Qaysa avtomobil yolunun tikintisi məqsədi ilə 2020-ci ilin dövlət büdcəsindən Azərbaycan Avtomobil Yolları Dövlət Agentliyinə 17,6 milyon manat ayırdığını bildirdi.

Balakən əhalisinin bunu böyük sevinclə qarşıladığını bildirən Nəsib Məhəməliyev rayon camaatı adından cənab prezidentə bu dəstəyə görə təşəkkür etdi.

Çıxış edən kənd sakinləri ümumi və fərdi problemlərini söylədilər. Bir neçə kənd sakini çıxış edərək Nəsib Məhəməliyevə ali təhsil alan tələbə övladlarının təhsil haqqına kömək etdiyini bildirərək təşəkkür etdilər. Savadlı gəncliyin önəmin qeyd edən deputatlığa namizəd hansı vəzifədə olmağında olmasında asılı olmayaraq hər zaman gənclərə dəstək olacağını bildirdi. Yekun nitqi ilə çıxış edən Nəsib Məhəməliyev Tülü kəndinin sakinlərinə uğurlar arzu edərək, hər zaman bu zəhmətkeş əhalinin yanında olduğunu bildirdi.















“Kəndlərdə idmanı inkişaf etdirək” layihəsi Balakəndə