5 fevral 2020-ci ildə Yeni Azərbaycan Partiyasının 109 saylı Balakən seçki dairəsindən deputatlığa namizədi Nəsib Məhəməliyev Şərif kənd tam orta məktəbində bu kənddən olan seçicilərlər görüş keçirmişdir. 

Tədbiri giriş sözü ilə açan YAP-ın Balakən rayon təşkilatının sədri Azad Balayev ölkədə son dövrlər həyata keçirilən yüksək siyasi dinamikadan söz açaraq bildirdi ki, " Azərbaycan son dövrlər yüksələn xəttlə inkişaf edir. Bu siyasətin nəticəsində Azərbaycan mövqeyi xeyli güclənir. Azərbaycanın dahada güclənməsi və inkişafı üçün cənab prezidentin başçılığı altında islahatlar başlamışdır və bu islahatıar bütün sahələri əhatə edir. İslahatlarda növbə qanunverici orqanada çatmışdır və Azərbaycan Respublikasının Prezidenti cənab İlham Əliyevin imzaladığı sərəncama əsasən 9 fevral 2020-ci il tarixinə 6-cı çağırış Milli Məclisə növbədənkənar seçkilər elan edilmişdir. Bizim üçün çox sevindirici haldır ki, YAP-ın İdarə Heyəti tərəfindən 109 saylı Balakən seçki dairəsindən yenidən Nəsib Məhəməliyevin namizədliyi irəli sürülmüşdür. Nəsib müəllimin fəaliyyəti barədə uzun uzadı danışmağa ehtiyyac yoxdur, hər biriniz onu çox yaxşı tanıyırsız və fəaliyyətindən xəbərdarsız ".

Daha sonra çıxış edən deputatlığa namizəd Nəsib Məhəməliyev Azərbaycan Respublikasının Prezidenti cənab İlham Əliyev və Birinci Vitse - Prezidenti Mehriban xanım Əliyevanın həyata keçirdiyi işlər barədə seçicilərə məlumat verərək onları Yeni Azərbaycan Partiyasının seçki platforması ilə tanış etdi. Ölkəmizdə həyata keçirilən iqdisadi-sosial və siyasi-struktur-kadr islahatlarından danışan YAP-ın namizədi həmçinin Azərbaycanın son dövrlər beynalxaq münasibətlərdə, regional məsələlərdə oynadığı roldan danışaraq ölkəmizin artıq dünya siyasətində aktiv iştirak etdiyini, Azərbaycanın dünya arenasında öz laiqli yerini tutduğunu bildirdi.

Kənd sakinləri adından çıxış edən şəhid atası Şəmsəddin Tuhumov bu günə qədər göstərdiyi diqqət və qayğıya görə Nəsib Məhəməliyevə təşəkkür etdi. Kənddin hər zaman siyasi həyatda aktiv iştirak etdiyi xatırladan Tuhumov kənd yollarının təmir edilməsi və Qabaxçöl Qəsəbəsinə yeni xəstəxananın tikilməsini xaiş etdi.

Məktəb müəllimi Cəmilə Tinayeva çıxış edərək bildirdi ki, vaxtilə ali məktəbdə təhsil alarkən təhsil pulunu verə bilməməyi səbəbindən ali təhsilini yarımçıq qoymaq təhlükəsi ilə üzləşmiş, o zamankı icra başçısı olan Nəsib Məhəməliyevə kömək üçün müraciət etmiş və hər il lazımi köməyi alaraq təhsilini bitirmişdir. 

Artıq uzun müddətdir şagirdlərə elm verdiyini bildirən Tinayeva buna görü özü və valideyinləri adından Nəsib Məhəməliyevə təşəkkür etdərək məktəb kollektivinin seçiminin Nəsib Məhəməliyev olduğunu bildirir. 

Bu kimi halların çox olduğunu bildirən deputatlğa namizəd istər rayona rəhbərlik etdiyi zaman, istər Bakı şəhərinin Nəsimi rayonuna rəhbərlik etdiyi,istərsədə Milli Məclisdə təmsil olunduğu zamanda Balakəndən təhsil alan imkansız tələbələrə yardım etdiyini bildirdi və tez-tez kəndlərdə olarkən həmin şəxslərin ona yaxınlaşıb təşəkkür etdiyini bildirirək bundan qürur düyduğunu, balakənli gənclərin hər zaman yüksək mövqelərdə, təhsilli olmasını arzu etdiyini bildirdi.

Daha sonra Qabaxçöl Qəsəbəsinin ağsaqqal ziyalıları Muhuma Xoçberov və Ramazan Xutrayev çıxış edərək Nəsib Məhəməliyevin əvvəlki fəaliyyət dövrünü yüksək qiymətləndirdiklərini və onun gələcək 5 illik müddətdədə parlamentdə təmsil olunmasını arzu etdiklərini bildirdilər. Yekunda YAP-ın deputatlığa namizədi Nəsib Məhəməliyev çıxış edərək kənd sakinlərinə təşəkkür edərək onlara uğurlar və can sağlığı arzu etdi.