» » Bu gün DTX rəisi Əli Nağıyevin doğum günüdür

Bu gün DTX rəisi Əli Nağıyevin doğum günüdür


Dövlət Təhlükəsizliyi Xidmətinin (DTX) rəisi general-polkovnik cənab Əli Nağıyevin doğum günüdür.

Cənab generalın doğum günü daha bir taxrixi qürurverici günə təsadüf edir. Belə ki, Azərbaycan tarixinin ən parlaq səhifəsi olan Zəfər bayramımızla üst üstə düşür.

Cənab Prezidentin vəzifəyə təyin etdiyi hər bir məmur xüsusi xidməti olan şəxslərdir. Hər birinin özünəməxsus xidməti olmuş və bu gün də davam etməkdədir. Cənab Prezidentin xüsusi etimad göstərdiyi şəxslərdən biri də məhz Dövlət Təhlükəsizliyi Xidmətinin rəisi General-polkovnik Əli Nağıyevdir. Belə ki‚ cənab Əli Nağıyev 1991-ci ildə MTN xüsusi təyinatlılarının tərkibində ölkəmizin ərazi bütövlüyü uğrunda erməni terrorçularına qarşı vuruşub.


Hələ lap gənc yaşlarından Əli müəllim ölkəmizin milli maraqlarına‚ vətənimizə və dövlətimizə xidmət edib. Məhz gənc yaşlarından Dövlətçiliyimizə xidmət yolunu tutan Əli Nağıyev bu uzun illər ərzində keçdiyi nümunəvi xidmət  yolunda əsl peşəkar çekist və əsl dövlət xidmətkarı olaraq yetişmiş bir şəxsiyyətdir.

Əli müəllim vətənə və dövlətə xidməti boyunca onlarla‚ yüzlərlə şəxsin dövlətçiliyimizə xidmət etməsi yolunda yetişməsində böyük əməyi olub. Əli müəllim işinin və sahəsinin peşəkarı olmaqla yanaşı‚ həm də həqiqətən ölkəyə və Dövlətimizə‚ ölkə başçısına sözün həqiqətən sədaqət nümunəsidir. Bütün ömrü boyu da sədaqətlə‚ şücaətlə xidmət edib. Hər zaman da bütün işlərində dövlətçiliyimizin qorunmasına çalışmağı və Dövlətimizin milli və siyasi maraqlarının təmin edilməsini rəhbər tutmuşdur. Bu səbəbdən cənab Prezident hörmətli Əli Nağıyevin xidmətlərini nəzərə alaraq onu əsl layiq və aid olduğu işinə təyin etdi. Dövlətimizin başçısı hər zaman hər kəsə layiq olan mükafatı və qiyməti verir. Əli Nağıyevin lazımı vəzifəyə təyin olunması da bunun sübutudu. Ümumiyyətlə Dövlətimiz hər zaman yaxşını pisdən layiqincə ayırır və mütləqki hər kəs də layiq olduğu dəyərləndirməni alır. Dövlətə nümunəvi xidmət göstərən hər kəsə uğurlar arzu edirik.

Prezident İlham Əliyevin 2019-cu ildə imzaladığı sərəncamla General-polkovnik Əli Nağıyev Dövlət Təhlükəsizlik Xidmətinin (DTX) rəisi təyin edilib.

Dövlət başçısının 27 iyun 2019-cu il tarixli Sərəncamı ilə Əli Nağıyevə general-leytenant ali hərbi rütbəsi verilib.

Cənab Prezidentin 7 dekabr 2020-ci il tarixli Sərəncamı ilə Əli Nağıyevə general-polkovnik ali hərbi rütbəsi verilib.

O, təhlükəsizlik orqanlarında xidmət etdiyi müddət ərzində çoxsaylı dövlət təltiflərinə və digər mükafatlara layiq görülüb.

Azərbaycan Respublikası ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla rəhbərlik etmiş, hərbi qulluq vəzifəsini yerinə yetirərkən igidlik və mərdlik nümunəsi göstərmiş Dövlət Təhlükəsizlik Xidmətinin rəisi general-polkovnik Əli Nağıyev, dövlət başçısının 09.12.2020 il tarixli sərəncamı ilə "Zəfər" ordeni ilə təltif olunub.

Balaken.info saytının kollektivi adından Əli Nağıyevi bir daha ürəkdən təbrik edir, ona can sağlığı, uzun ömür, çətin və şərəfli işində uğurlar arzulayırıq.

Balaken.info
İbrahim Şıxməmmədov

Balakəndə sahibkar intihar edib