Azərbaycan polisi bu günlərdə həmişəkindən daha böyük və daha parlaq zirvələrdədir. Çünki onun başında Vilayət Eyvazov kimi alicənab, peşakar, yüksək intellekti və insanpərvərliyi ilə seçilən, öz prezidentinə sona qədər sadiq olan dəyərli bir polis generalı dayanır. Qonşu dövlətlərin bizə qarşı bu qədər aqresiyasının olduğu bu günlərdə Azərbaycan polisinin peşəkarcasına bizim ictimai təhlükəsizliyimizin keşiyində durması çox öyrəniləcək və dünya polisinin praktikasında istifadə ediləcək bir gerçəkdir. Son günlər həyata keçirilən uğurlu əməliyyatlar , xüsusilə gəncliyin bəlasına çevrilmiş narkotiklərə qarşı olan mübarizə bütün cəmiyyətin diqqətindədir. Ölkədə baş verən təxribatların qarşısını tez bir zamanda qətiyyətlə alınması, bir çox cinayətin dərhal isti izlərlə açılması Azərbaycan polisinin yüksək peşəkarlığının hansı dərəcədə olduğunun göstərgəsidir.

Balakən rayon Polis Şöbəsinin rəisi polis polkovniki cənab Çingiz Aslanov öz işinə vicdanla yanaşır, öz işinin peşakarı olan güclü kadrdır. Çingiz müəllim həm Sumqayıt , həm Gəncədə işlədiyi dövrdə əməliyyat sistemində mühüm uğurlar əldə etmiş, ölkənin ən sayılan əməliyyatçılarından biri olmuşdur. Polis Şöbəsi rəisinin xidməti üzrə müavini, polis polkovnik - leytenantı Elxan Zamanov qətiyyəti ilə tez bir zamanda balakənlilərin hörmətini qazanmışdır. Elxan müəllim bundan əvvəl polisdə ictimai təhlükəsizlik sistemində çalışmış, ictimai asayişin bərpasında xüsusi rolu olmuşdur. Elxan Zamanov Bakı şəhərinin sayılıb - seçilən zabitlərindən olmuşdur. Polis Şöbəsi rəisinin əməliyyat işləri üzrə müavini, polis polkovnik-leytenantı Gündüz Məcidov ölkə polisinin tanınmış simalarından biridir. Gündüz müəllim Neftçalada işlədiyi dövrdə  də əhalinin rəğbətini qazanmış, əməliyyat sistemində böyük peşakarlığı ilə seçilmişdir. Cənab nazir Vilayət Eyvazov məhz Balakəndə ictimai asayişi belə güclü , sayılıb - seçilən, öz işinin peşakarı olan, vətəninə, millətinə, dövlətinə bağlı, Ali Baş Komandanına və nazirinə sadiq, ulu öndər Heydər Əliyev irsini özü üçün rəhbər tutan kadırlara həvalə etmişdir. 



İbrahim Şıxməmmədov 
BALAKEN.İNFO saytının təsisçisi