FLAŞ
» » “Özünü islam dövləti adlandıran İranın əsl siması budur”-Deputat

“Özünü islam dövləti adlandıran İranın əsl siması budur”-Deputat


“İran tərəfində Azərbaycanla və onun ayrılmaz hissəsi olan Naxçıvan arasında hava əlaqəsini məhdudlaşdırılması nə beynəlxalq normalara, nə də ki, qonşuluq prinsiplərinə uyğun deyil. Qərəzli yanaşma olmaqla bərabər, iki ölkə arasında münasibətlərə ciddi zərbə vurur”.

Bunu Bakıvaxtı.az-a açıqlamasında Milli Məclisin Beynəlxalq münasibətlər və parlamentlərarası əlaqələr komitəsinin üzvü, deputat Nəsib Məhəməliyev bildirib.

Deputatın sözlərinə görə, onsuz da İran uzun illərdir ki, beynəlxalq maliyyə sanksiyaları üzündən əziyyət çəkir: “Ermənistan istisna olmaqla, dünyanın əksər ölkələri, qonşuları ilə münasibətləri gərgin olaraq qalır. ABŞ-ı və bəzi müttəfiqləri, nüvə silahı əldə etmək istəyən İranı hər an vurmaqla hədələyirlər.

Belə bir vəziyyətdə, Azərbaycan kimi etibarlı qonşuya qarşı böhtanlar, təhdidlər, təzyiqlər heç cür başa düşülən deyil. Necə deyərlər; Olmayan yerdən od çıxarmaqla məşğuldurlar”.

N.Məhəməliyev bildirib ki, müharibədə əldə etdiyimiz qələbəni, cəmi 44 gün ərzində torpaqları işğaldan azad etməyimizi həzm edə bilməyən cənub qonşumuz bütün vasitələrlə Zəngəzur dəhlizinin açılmasına maneçilik törədir: “Sərhədlərimizə külli miqdarda qoşunları toplamaqla hərbi təlimlər keçirir, əzələ nümayiş etdirir. Niyə indiyə qədər keçirmirdi? Əvvəlcə mollaları, daha sonra isə yüksək rütbəli siyasətçiləri vasitəsilə mümkün olmayanı reallığa çevirmiş Müzəffər Ali Baş Komandana, Azərbaycan dövlətinə qarşı əsassız iddialar, iftiralar, xoşagəlməz fikirlər səsləndirirlər. Belə qonşuluq olmur.

Ölkəmizin suveren ərazilərinə, Qarabağa qanunsuz yüklər daşınır. Ermənistana son 30 ildə olduğu kimi, hərtərəfli yardım göstərməsini başa düşdük. Özü bilər. Ancaq bir dəfə də olsa, məscidləri dağıdanlara, donuz otaranlara iradını bildirmədi. Özünü islam dövləti adlandıran, hər zaman islam həmrəyliyindən car çəkən mollaların əsl siması budur”.

Deputat bildirib ki, İranın son hərəkətləri  “soyuq müharibə”nin başlandığı kimi qiymətləndirənlər də var: “Ancaq, isti fazaya keçməsi arzuolunan deyil. Belə olmaz, hesab edirəm, nə qədər ki, gec deyil, İran hərəkətlərinə düzəlişlər etməli, bizimlə hədə-qorxu dilində danışmamalı, Ermənistanın və Azərbaycanın daxili işlərinə qarışmamalı, sülh müqaviləsinin bağlanmasına, Zəngəzur dəhlizinin açılmasına mane olmamalıdır. Əks təqdirdə, körpülər tamamilə yana bilər və hər iki tərəf üçün acı sonluqla nəticələnər”.

Ramid İbrahimov

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Deputat Nəsib Məhəməliyev polis əməkdaşlarını peşə bayramı münasibətilə təbrik edib



Şərh yaz

Şərh yaz

yenilə, əgər kod görünmürsə