Nəsib Məhəməliyev: “Əlimizdə erməni faşizmini ifşa edəcək minlərlə cinayət faktları var”

“Diaspor təşkilatlarımız Azərbaycanın haqq səsinin beynəlxalq ictimaiyyətə çatdırılmasında mühüm rol oynayıb”

“Diasporla İş üzrə Dövlət Komitəsinin fəaliyyətində müsbət dəyişiklərin baş verdiyi göz qabağındadır”

Artıq bəlli bir müddətdir ki, Azərbaycan diaspor təşkilatlarının səyi ilə dünyanın bir neçə ölkəsində Ermənistanın Oxuçuçayla bağlı törətiyi ekoloji cinayətləri ifşa edən məqalələr nəşr edilməkdə, poçt markaları çap olunmaqdadır. Buna nümunə olaraq Niderland Krallığının Amsterdam şəhərində yaşayan həmyerlimiz Səltənət Rəvanqızının təşəbbüsü ilə bu ölkədə Oxçuçay fəlakətinə həsr olunmuş beynəlxalq poçt markası buraxılmasını, (//diaspor.gov.az/xeberler2020/x3154.php ), Böyük Britaniya, (//diaspor.gov.az/xeberler2020/x3111.php )ABŞ (//diaspor.gov.az/xeberler2020/x3110.php ) və digər dövlətlərin mediasında  Oxçuçay fəlakətindən bəhs edən məqalələrin çapını göstərmək olar. ABŞ-ın Şimali Karolina ştatında fəaliyyət göstərən Azərbaycan Dostluq Təşkilatının (ADT) təşəbbüsü və Diasporla İş üzrə Dövlət Komitəsinin dəstəyi ilə Roli şəhərində Oxçuçayın çirkləndirilməsinə etiraz əlaməti olaraq fotosərgi təşkil edilməsi də bu qəbildən olan addımlar sırasındadır. ( //diaspor.gov.az/xeberler2020/x3143.php ).Hansı ki, Diasporla İş üzrə Dövlət Komitəsinin dəstəyi və koordinasiyası əsasında həyata keçirilən bu fəaliyyət erməni cinayətlərinin beynəlxalq miqyasda ifşa edilməsi, erməni faşizminin insanlarla yanaşı, həm də təbiətə qarşı həyata keçirdiyi vəhşiliklərin dünya ictimaiyyətinin diqqətinə çatdırılması baxımından mühüm əhəmiyyətə malikdir.

Moderator.az-a açıqlama verən millət vəkili Nəsib Məhəməliyev erməni cinayətlərinin ifşa edilməsi məsələsində xaricdəki diaspor təşkilatlarının üzərinə böyük iş düşdüyünü və onların bu işin öhdəsindən uğurla gəldiyini vurğuladı:

“Azərbaycan diaspor təşkilatlarının səyi ilə ermənilərin törətdiyi ekoloji cinayətləri özündə əks etdirən poçt markalarının buraxılması olduqca müsbət haldır. Ermənistan son 30 il ərzində Qarabağın işğal olunmuş torpaqlarında əsil ekoloji soyqırımı törətmiş, Oxçuçayı kimyəvi tullantılarla çirkləndirilməklə, cinayətkar fəaliyyətini davam etdirir və cəzasızlıq şəraitində beynəlxalq birliyə meydan oxuyur. Mövcud vəziyyət ondan ibarətdir ki, aktiv döyüş əməliyyatları başa çatsa da, informasiya müharibəsi davam edir. Erməni diasporası dünyanın müxtəlif ölkələrində Azərbaycan və Türkiyə əleyhinə fasiləsiz təbliğat aparırlar. Bütün mümkün imkanlardan istifadə etməklə, məskunlaşdıqları ölkələrlə bizim aramızda düşmənçilik toxumları səpir, millətimizin timsalında vəhşi obrazı yaratmağa çalışırlar. Düşmən sarsıdıcı məğlubiyyətə uğrasa da, baş verənlərdən lazımi nəticə çıxarmayıb və xislətini dəyişməyib. Deməli, ona adekvat işləri qurmaq məcburiyyətindəyik.

Milli mübarizədə diaspora təşkilatlarımızın rolu danılmazdır. Ötən ilin Tovuz hadisələrindən sonra, dünyanın 50-dən yuxarı ölkəsində fəaliyyət göstərən diaspora təşkilatlarımız bir yumruq kimi birləşərək, Avropanın, Amerikanın mərkəzi şəhərlərində kütləvi tədbirlər, nümayişlər təşkil etdilər. Azərbaycanın haqq səsinin beynəlxalq ictimaiyyətə çatdırılmasında əhəmiyyətli rol aldılar. Bəzi şəhərlərdə saylarının az olmasına, çoxsaylı təzyiqlərə baxmayaraq, qorxmadan, çəkinmədən sözlərini dedilər. 100 ildən çox tarixə malik, ,,mifik,, erməni diasporasının qarşısından çəkilmədilər. Təbii, belə bir milli birliyi görmək olduqca qürurvericidir.

Dövlətlərarası münasibətlər sistemində yaxşı təşkilatlanmış diaspora təşkilatlarının əhəmiyyəti son dərəcə əhəmiyyətlidir. Azərbaycanda diaspora siyasətinin əsasını Ümummilli Lider Heydər Əliyev qoymuşdur. Yaxşı xatirimdədir. 2001-ci ildə dünya azərbaycanlılarının I qurultayında Ulu Öndər geniş nitqlə çıxış etdi və müxtəlif ölkələrdə yaşayan soydaşlarımızın təşkilatlanması, görməli işlərlə bağlı tapşırıqlarını verdi. Prezident İlham Əliyev də ilk növbədə Qarabağı azad edərək, diaspora siyasətinə xüsusi önəm verməklə, dünya azərbaycanlılarının şəksiz Liderinə çevrildi.

Heç kimə sirr deyil ki, istənilən ictimai təşkilatlar, siyasi qüvvələr, ümumiyyətlə ictimai-siyasi proseslər vahid mərkəzdən koordinasiya olunmalıdır. Bu baxımdan son illər Diasporla İş üzrə Dövlət Komitəsinin fəaliyyətində müsbət dəyişiklərin baş verdiyi göz qabağındadır. İndi dünyada informasiya əsridir. Əlimizdə düşməni ifşa edəcək minlərlə cinayət faktları var. Sadəcə, düşünülmüş və sistemli şəkildə onlardan istifadə etməklə, insanlığın düşməni olan ermənilərin əsil simasını dünyaya göstərmək lazımdır. Düşməni öz silahı ilə vurmaq lazımdır”.

Seymur ƏLİYEV