FLAŞ
» » Türkiyə Prezidenti Milli Məclisin nümayəndə heyəti ilə görüşüb

Türkiyə Prezidenti Milli Məclisin nümayəndə heyəti ilə görüşüb


Türkiyə Prezidenti Rəcəb Tayyib Ərdoğan Ankarada səfərdə olan Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi nümayəndə heyəti ilə görüşüb.

APA-nın yerli bürosunun xəbərinə görə, Türkiyədə səfərdə olan MM-in nümayəndə heyəti ilə xatirə şəkli çəkdirib.

Bu gün səfər çərçivəsində azərbaycanlı parlamentarilər Türkiyə Respublikasının banisi Mustafa Kamal Atatürkün məzarını - Anıtqəbiri ziyarət ediblər. Azərbaycan parlamenti adından Anıtqəbrin önünə əklil qoyulub, sonra burada yerləşən Qurtuluş Savaşı Muzeyi ilə tanışlıq olub.

Milli Məclisin komitə sədri Səməd Seyidov Anıtqəbrin xatirə kitabına ürək sözlərini yazıb.

Səfər çərçivəsində bu gün nümayəndə heyətinin Türkiyə Böyük Millət Məclisinin Xarici İşlər Komissiyasının rəhbəri Akif Çağatay Kılıçla görüşü keçirilib. Türkiyə-Azərbaycan Dostluq Qrupu rəhbəri Şamil Ayrımla, TBMM-in Milli Müdafiə Komissiya sədri İsmət Yılmaz və Avropa Şurası Parlament Assambleyasının Türkiyə nümayəndə heyətinin sədri Əhməd Yıldızla da görüş nəzərdə tutulub.

Akif Çağatay Kılıçın dəvəti ilə Ankaraya səfər edən heyətin səfər proqramı iyulun 16-da başa çatacaq. Nümayəndə heyətinə deputatlar Səməd Seyidov, Asim Mollazadə, Nigar Arpadarai, Nəsib Məhəməliyev və Erkin Qədirli daxildir.

Qeyd edək ki, nümayəndə heyəti 15 iyul 2016-cı il tarixində Türkiyədə baş vermiş dövlət çevrilişi cəhdinin beşinci ildönümü münasibətilə keçiriləcək tədbirlərlə əlaqədar Ankarada səfərdədirlər.

Deputat: “Azərbaycan-Türkiyə münasibətləri Şuşa Bəyannaməsi ilə zirvə mərhələsinə qədəm qoydu” Prezidentin köməkçisi: “Azərbaycanın xarici siyasəti bundan sonra da sülh və təhlükəsizliyin təmininə yönələcək” Avropa İttifaqının Komissarı gələn həftə Azərbaycana səfər edəcək.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Azərbaycanda koronavirusa yoluxanların sayı yenidən pik həddə çata bilər - AÇIQLAMA


Şərh yaz

Şərh yaz

yenilə, əgər kod görünmürsə