FLAŞ
» » Bu, regionun hərtərəfli inkişafına səbəb olacaq - Deputat

Bu, regionun hərtərəfli inkişafına səbəb olacaq - Deputat


"Türkdilli Dövlətlərin Əməkdaşlıq Şurasının videokonfrans formatında keçirilən qeyri-rəsmi Zirvə görüşünün bütövlükdə türk dünyası üçün əhəmiyyəti olduqca böyükdür".

Bunu Publika.az-a açıqlamasında millət vəkili Nəsib Məhəməliyev deyib. Millət vəkili bildirib ki, 44 günlük Vətən müharibəsində Azərbaycanın əldə etdiyi tarixi qələbə yeni reallıqlar yaradıb:

"Bu reallıqlardan biri Azərbaycan, Rusiya Prezidentlərinin və Ermənistan baş nazirinin imzaladığı 10 noyabr bəyannaməsində təsdiqini tapmış kommunikasiyaların açılmasının, iqtisadi əlaqələrin bərpasının nəzərdə tutulmasıdır. Bu kontekstdə Zəngəzur dəhlizinin açılması, ilk növbədə, Azərbaycanın Naxçıvanla, eyni zamanda türk dünyası ilə kommunikativ əlaqələrinin inkişaf etdirilməsi baxımından son dərəcə əhəmiyyətlidir. Prezident İlham Əliyev tamamilə haqlı olaraq tarixi Azərbaycan torpağı olan Zəngəzurun Ermənistana birləşdirilməsi faktına diqqət çəkdi və bunu türk dünyasına vurulmuş ağır zərbə olaraq qiymətləndirdi. Cənab Prezident məhz bu tarixi ədalətsizliyi xatırlamaqla türkdilli dövlət başçılarına gələcəyə hesablanmış mesaj verdi".

Deputatın fikrincə, bir-birlərinə milli, tarixi, dini, mədəni bağlılığı ilə çox yaxın olan ölkələrin güclü bir təşkilatda birləşməsi və beynəlxalq məsələlərdə vahid mövqedən çıxış etmələri kənar güclərin təsirini azaltmaq deməkdir:

"İqtisadi cəhətdən qardaş Türkiyəni Azərbaycan vasitəsilə Orta Asiya türk cümhuriyyətləri və regionun başqa dövlətləri ilə birləşdirən ən qısa marşrut sayılır. Rusiya-Ermənistan-İran əlaqələrini də əlavə etsək, Zəngəzur dəhlizinin açılması bütövlükdə regionun hərtərəfli inkişafına səbəb olacaq. Düşünürəm ki, iqtisadi münasibətlərin inkişaf etməsi bölgədə dayanıqlı sülhün təmin olunmasını şərtləndirəcək".

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Balakəndə 2 tondan artıq çətənə kolu məhv edilib


Şərh yaz

Şərh yaz

yenilə, əgər kod görünmürsə