FLAŞ
» » Milli Məclisin deputatı Nəsib Məhəməliyev növbəti dəfə Balakən rayonunda qəbul keçirmişdir.

Milli Məclisin deputatı Nəsib Məhəməliyev növbəti dəfə Balakən rayonunda qəbul keçirmişdir.


Balaken.info xəbər verir ki, Azərbaycan Respublikası Milli Məclisin deputatı Nəsib Məhəməliyev 22 mart 2021-ci il tarixdə Balakən rayonuna səfər etmişdir. Səfər zamanı ilk olaraq Şəhidlər Xiyabanını ziyarət etmiş və şəhidlərin qəbirüstü abidələrinin üzərinə gül qoymuş, şəhidlərin ruhlarını yad etmişdir.

Deputat Nəsib Məhəməliyev 23 mart 2021-ci il tarixdə Yeni Azərbaycan Partiyasının Balakən rayon şöbəsinin inzibati binasında seçiciləri qəbul etmişdir. Qəbulda Balakən rayon İcra Hakimiyyətinin birinci müavini cənab Azad Balayev iştirak etmişdir. 

Qəbulun təşkili zamanı “COVID-19” pandemiyasına qarşı proflaktik tədbirlərə- sosial məsafənin gözlənilməsinə və digər sanitar-gigiyenik qaydalara riayət edilməsinə ciddi diqqət yetirilmişdir. Qəbul prosesində müxtəlif sosial qrupları təmsil edən seçicilər iştirak etmişdir. Qəbul zamanı seçiciləri daha çox narahat edən məsələlər məişət problemləri, işədüzəltmə, təhsil haqqı, maddi yardım, telefon və internet xətlərinin çəkilməsi, şəhidlərə fəxri adların verilməsi, pensiya müavinətlərinin kəsilməsi və bu kimi digər məsələlər üstünlük təşkil etmişdir. Qaldırılan məsələlər yerindəcə araşdırılmış, mövcud qanunvericiliyə uyğun olaraq məsələlərin müsbət həll edilməsi aidiyyatı orqanlar qarşısında qaldırılmışdır. Həlli vaxt tələb edən məsələlər deputat köməkçisi tərəfindən nəzarət üçün qeydə alınmışdır.

Qəbul zamanı deputat Nəsib Məhəməliyev seçicilərin çoxsaylı suallarını cavablandırmış və hər zaman onların yanında olduğunu bildirmişdir. 

Balaken.info
















DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

2 həftəlik sərt karantin rejimi avqusta kimi uzadılır?- AÇIQLAMA


Şərh yaz

Şərh yaz

yenilə, əgər kod görünmürsə