2020 - ci il bizim üçün həm çətin, həm uğurlu bir il oldu. Bir sözlə 2020 Azərbaycan üçün çətin, ancaq şərəfli bir il idi.

İlin əvvəli ABŞ - İran arasında Qasım Süleymaninin öldürülməsi ilə başlayan siyasi gərginlik regionda olduqca mürəkkəb və gərgin vəziyyət yaratmışdı. Azərbaycan prezidenti cənab  İlham Əliyev çox böyük siyasi ustalıqla bu gərgin vəziyyətdən Azərbaycanı kənarda saxlaya bildi. 9 fevralda keçirilmə Parlament seçkiləri dinc şəraitdə keçdi. Milli Məclisin bu çağrısına yeni nəfəs gəldi, Parlament rəhbərliyi tamamilə dəyişildi, Parlament və komitə rəhbərliyində müxalifət təmsil olunmağa başladı. Ölkədəki siyasi mühitdə müsbətə doğru xeyli adımlar atıldı.

Ötən il Prezident Admistirasiyasında yaradılmış Siyasi Partiyalar və Qanunvericilik Hakimiyyəti ilə Əlaqələri Şöbəsinin müdiri Ədalət Vəliyev birbaşa dövlət başçısının təşəbbüsü ilə siyasi partiya rəhbərləri ilə görüşlər davam etdi, siyasi partiyaların problemlərin həllinə və onların gücləndirilməsi istiqamətində dövlət tərəfindən xeyli müsbət addım atıldı.

2019 - cu ilin sonlarından peyda olan Koronavirusa infeksiyası 2020 - ci ilin ilk rübündə Azərbaycana da çatdı. Hökumət əhalinin sağlamlığını qorumaq üçün sərt karantin tədbirlərinə getməyə məcbur oldu. Bir çox iş yerləri müvəqqəti bağlandı, distant təhsilə keçirildi. Hökumət baş verənlərin əhaliyə təsirini minimuma endirmək üçün həm sahibkarlıq subyektlərinə , həm imkansız vətəndaşlara yardımlar ayırdı.

Keçən ilin sonlarında yerli icra hakimiyyəti orqanlarında başlanmış əməliyyat il ərzində həm yerli, həm mərkəzi icra hakimiyyəti orqanlarını əhatə etməklə sürətli şəkildə davam etdi. Mədəniyyət və Xarici İşlər Nazirlikləri də kök salmış korrupsiya şəbəkələri ifşa edildi, hər iki qurumun rəhbərliyi dəyişdirildi. Eyni zamanda bu il əhalinin narazı olduğu Neftçala, Biləsuvar, İmişli, Kürdəmir və Cəlilabad rayonlarının İcra başçıları hüquq - mühafizə orqanları tərəfindən həbs edildi.

Daha gənc, intektual kadrların önə çəkilməsi istiqamətində xeyli iş aparıldı. Yay aylarında cəbhədə düşmənin təxribatı vəziyyəti daha da gərginləşdirdi. Cəbhənin Tovuz istiqamətində erməni təxribatı nəticəsində vəziyyət ağırlaşdı, 4 il sonra cəbhənin ən güclü döyüşləri başladı. Azərbaycan ordusu düşmənə layiqli cavab verdi, erməni cəlladları geri otduruldu. Bu əslində yeni, daha böyük müharibənin xəbərdarlığı idi. Azərbaycan prezidenti cənab İlham Əliyev ən yüksək tribunalardan dəfələrlə dünya birliyinə ermənilərin yeni ərazilər uğrunda döyüşə hazırlaşdığını , bunun qarşının alınmasının vacib olduğunu dəfələrlə vurğuladı. Lakin dünya güc mərkəzləri və münaqişənin həlli ilə məşğul olan dövlətlər bu xəbərdarlığa heç bir məhəl qoymadı. Erməni divversant qrupunun və rəhbərinin ələ keçirilməsi isə düşmənin bədnam niyyətini bütün çılpaqlığı ilə nümayiş etdirirdi.

Sentyabrın 27 - də başlayan düşmənin yeni təxribatı 44 günlük Vətən müharibəsinin başlanğıcı oldu. Ali baş komandan tərəfindən verilən əks - hücum əməliyyatı zamanı elə həmən gün xeyli sayda kənd işğaldan azad edildi. Cəbhədən demək olar ki, gündəlik qələbə xəbərləri gəlirdi. Azərbaycan əsgəri 4 oktyabrda Cəbrayıl, 17 oktyabrda Füzuli, 20 oktyabrda Zəngilan və 25 oktyabrda Qubadlını işğaldan azad etdi. 8 noyabrda isə ordumuz misli görünməmiş möhtəşəm əməliyyat keçirərək Şuşa şəhərini düşmən işğalından azad etdi. Qanlı savaş 10 noyabr tarixində tərəflər arasında Rusiyanın vasitəçiliyi ilə birgə bəyanatın imzalaması, Azərbaycanın şanslı qalibiyyəti, Ermənistanın isə biyabrçı məğlubiyyəti ilə nəticələndi.

Azərbaycan bəyanata müvafiq olaraq daha 3 rayonunu - Ağdam, Kəlbəcər və Laçını düşmən işğalından müharibəsiz azad etdi.  Müharibədə ki məğlubiyyət Ermənistanda onsuzda gərgin olan ictimai - siyasi vəziyyəti daha da ağırlaşdırdı. Hazırda da ölkədə fasiləsiz mitinqlər davam edir.

Azərbaycan Vətən müharibəsində xatirələri hər zaman xalqımızın qəlbində yaşayacaq 2823 nəfər vətən övladını şəhid verdi. Allahdan şəhidlərimizin hər birinə rəhmət diləyirik.

İlin sonunda Milli Məclisdə ənənəvi büdcə müzakirələri başladı. Yeni büdcə lahiyyəsində müharibədən yenicə çıxmağımıza baxmayaraq xeyli sayda yeni sosial lahiyyələr, sosial müavinətlərin artırması kimi məsələlər öz əksini tapdı.

2021 - ci ildə Azərbaycanı gözləyən əsas məsələ işğaldan azad edilmiş torpaqlarda yeni şəhər və kəndlərin  salınması olacaq. Bu istiqamətdə artıq dövlət tərəfindən ilkin işlərin görülməsinə start verilib. Azərbaycan xalqı bu il birləşdi, vahid bir yumruq kimi oldu. Bu yumruq xalqın əzmkarlığı sayəsində elə güclü oldu ki, düşməni başından əzdi, onu Azərbaycan torpaqlarından " iti qovan kimi " qovdu. Bizləri daha da irəli aparacaq, gücləndirəcək bu güclü yumruq milli həmrəyliyin əyani sübutu idi. Milli həmrəylik günümüz mübarək. Hər zaman belə həmrək olaq.

Zeynal Amraliyev /Balaken.info