» » Azərbaycanda icra hakimiyyətləri ləğv edilir?

Azərbaycanda icra hakimiyyətləri ləğv edilir?


Təəssüf ki, son dövrlər bəzi rayon icra başçıları öz səlahiyyətlərindən istifadə edərək müxtəlif növ qanun pozuntularına və korrupsiya hallarına yol verirlər. Sosial şəbəkələrdə müxtəlif insanlar tərəfindən icra hakimiyyətlərinin ləğv edilib başqa idarə sisteminin yaradılması təklif edilir. Qeyd edək ki, işğaldan azad olunmuş rayon və şəhərlərimizə komendantlar təyin olunmaqdadır. Bu komendant sistemi bütün rayonlar üzrə tətbiq edilə bilərmi?

BiG.AZ xəbər verir ki, bununla bağlı Sonxeber.azın sualını cavablandıran deputat Nəsib Məhəməliyev bildirib ki, işğaldan azad olunmuş rayonlarda idarəetmə komendatlar vasitəsilə həyata keçirilir:
"Bu rayonların infrastrukturu, kommunikasiyaları tamamilə dağıldığından, insanların yaşaması üçün heç bir şərait yoxdur. Ona görə də əvvəlcə ərazilər minalardan təmizlənməli, yaşayış üçün təhlükəsiz vəziyyətə gətirilməli, məskunlaşdırma işləri aparılmalıdır.

Həyat öz normal axarına düşəndən sonra komendatlar ləğv olunacaq və Azərbaycanın digər bölgələrində olduğu kimi, idarəetmə sistemi bərpa olunacaqdır. Bununla yanaşı Azərbaycanda dövlət idarəetmə sistemi konstitusiya qanunları ilə tənzimlənir və hansısa dəyişiklik gözlənilmir. Komendant saatının təyin edilməsi, Azərbaycanda hərbi vəziyyət haqqında qanunla tənzimlənir. 27 sentyabrda elan olunmuş hərbi vəziyyət 12 dekabrda Prezident İlham Əliyevin fərmanı ilə ləğv olundu".

Prezident İlham Əliyevin doğum günüdür