06 oktyabr 2019-cu il tarixdə Milli Məclisin deputatı Nəsib Məhəməliyev təhsil aldığı Balakən şəhər Nizami Gəncəvi adına 1 saylı tam orta məktəbə gələrək müəllim heyəti ilə görüşmüş, bundan sonra Balakən şəhəri “Balakən” şadlıq sarayında müəllimlər gününə həsr olunmuş tədbirdə iştirak etmişdir.

Tədbirdə məktəbin qocaman müəllimlərindən, məktəbi bitirmiş və hal-hazırda dünyanın müxtəlif şəhərlərində yaşayan mıəzunlardan alınmış müsahibələr əsasında hazırlanmış video rolik təqdim edilmişdir.

Tədbirdə çıxış edən Milli Məclisin deputatı Nəsib Məhəməliyev müəllimləri peşə bayramı münasibətilə təbrik etmiş və ölkəmizdə təhsilə göstərilən qayğıdan, bu sahədə görülmüş işlərdən danışmış, cənab Prezident İlham Əliyevin və birinci xanım Mehriban Əliyevanın təhsil işçilərinə göstərdiyi humanist siyasətdən bəhs etmişdir.

Sonra deputat regionda aparılan sosial-iqtisadi inkişafdan, bölgədə gedən ictimai-siyasi vəziyyətdən, cənab prezidentimiz İlham Əliyevin apardığı islahatlardan, əhalinin həyat şəraitinin yaxşılaşdırılması ilə bağlı fərman və sərəncamlardan, sosial islahatlardan, dövlətin gənclərə qayğısından danışmışdır.

Bundan sonra tədbir bədii hissə ilə davam etdirilmişdir.