FLAŞ
» » Paşinyan Azərbaycanı təxribata çəkir və bununla da müharibədən başqa seçim yeri qoymur-deputat Nəsib Məhəməliyev

Paşinyan Azərbaycanı təxribata çəkir və bununla da müharibədən başqa seçim yeri qoymur-deputat Nəsib Məhəməliyev


Son günlər Azərbaycan, Ermənistan sərhəddinin Tovuz istiqamətində gərginliyin artması fonunda cəmiyyətdə böyük müharibənin qaçılmaz olduğu barədə fikirlər səsləndirilir.

Politoloqlar, siyasilər, millət vəkilləri və hərbi ekspertlər erməni təxribatlarına qarşı Azərbaycanın öz hərbi gücündən istifadə etməklə genişmiqyaslı hərbi əməliyyatlara başlamaq hüququnun olduğunu bəyan edirlər. Bu barədə əməkdaşımız İlahə Əliyeva Milli məclisin deputatı Nəsib Məhəməliyevdən müsahibə götürüb.

1.Son günlər cəbhə bölgəsində gərginliyin ciddi hərbi əməliyyatlara keçmə ehtimalı varmı?

- Cəbhə bölgəsində yaranmış gərginlik istənilən anda hərbi əməliyyatların başlamasına səbəb ola bilər. Sentyabrın 20-də düşmənin pilotsuz uçuş aparatı əsgərlərimiz tərəfindən vuruldu. Dünən bir əsgərimiz şəhid oldu. Atəşkəsin işğal olunmuş ərazilərdə deyil, iki dövlətin sərhəddində, məhz strateji magistral kəmərlərin yaxınlığında pozulması isə daha ciddi mətləblərdən xəbər verir.

2. Prezident İlham Əliyevin son çıxışında hərbi əməliyyatların başlanmasına yönəlik fikirləri genişmiqyaslı savaşın başlanmasına gətirib çıxarda bilərmi?

- Ermənistanın siyasi-hərbi rəhbərliyi ziddiyətli bəyanatları, beynəlxalq hüquq normalarını tapdamaqla, İraq, Livan, Suriya kimi ölkələrdən muzdlu terroristləri cəlb etməklə, işğal olunmuş əraziləri qanunsuz məskunlaşdırmaqla bir daha göstərdi ki, münaqişənin sülh yolu ilə həllində maraqlı deyil. Reallıq ondan ibarətdir ki, düşmən bütün vasitələrdən istifadə etməklə, Azərbaycanı təxribata çəkir və bununla da müharibədən başqa seçim yeri qoymur. Prezident İlham Əliyev son müsahibəsində yaranmış vəziyyətin bütün nüanslarını detallarına qədər izah etməklə, beynəlxalq ictimaiyyətə, eyni zamanda Azərbaycan ictimaiyyətinə mesajlarını çatdırdı. Düşünürəm ki, belə bir şəraitdə geniş miqyaslı müharibə başlaya bilər. Təkrar edirəm, ermənilərin həyasızlığı buna vadar edir.

3. Ehtiyatda olan hərbi qulluqçuların orduya təlimə çağrılması məsələnin ciddiliyinə dəlalət edirmi?

- Məsələ kifayət qədər ciddidir. Qarşı tərəf muzdlulardan ibarət,”könüllü ordu” formalaşdırır, kişi qıtlığını qadınlarla kompensasiya etməklə döyüş təlimləri keçir. Silah arsenalını genişləndirməklə müharibəyə hazırlaşdığını gizlətmir. Təbii olaraq, ölkəmiz də adekvat addımlar atır, ehtiyatda olan hərbiçiləri təlimlərə cəlb edir. Qarabağ kimi problemi olan ölkə üçün bu normaldır. Uzun illər Azərbaycan hökuməti sülh danışıqlarına sədaqətini göstərdi. Təəssüf ki, düşmən bunu qiymətləndirmədi.

4. Ermənistan genişmiqyaslı hərbi əməliyyata hazırdırmı yoxsa atddığı addımlar sadəcə təxribat xarakterli təzyiqlərdir?

-İndiki vəziyyətdə təzyiq xarakteri daşıyır. Ancaq hər an geniş miqyaslı hərbi əməliyyatlara keçə bilər. Ümumiyyətlə sübut olunmuş faktır ki, geniş miqyaslı müharibə aparmaq üçün güclü iqtisadiyyata malik olmalısan. Ermənistanın bu günki iqtisadiyyatı, maliyyə vəziyyəti və digər resursları isə buna imkan vermir. Ancaq burada başqa bir amili nəzərə almaq lazımdır. Bu Rusiya və İran amilidir ki, onlar da öz hərəkətləri ilə ermənilərin yanında olduqlarını gizlətmirlər. Ermənilərin təxribatlarına rəvac verənlər də məhz onlardır. Bu günlərdə Yaxın Şərq ölkələrindən gətirilən terrorçu qruplar məhz cənub qonşumuzun razılığı və ərazisi ilə Qarabağa gətirilir. Çox təəssüf edici fakflardır.

Visiontv.az

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin







Prezidentin seçki ilə bağlı çıxışının - Videosu


Şərh yaz

Şərh yaz

yenilə, əgər kod görünmürsə