"Ermənilərin Dağlıq Qarabağ və işğal olunmuş ərazilərdə mədəniyyət abidələrini, məscidləri, qəbiristanlıqları dağıtması vandalizmdir. Hüquqi baxımdan ağır cinayət hesab olunur. Mənəvi tərəfdən ermənilərin özlərindən başqa digər xalqların mədəniyyətinə olan nifrətinin göstəricisidir. Ən əsas məqsəd isə bu coğrafiyada heç vaxt mövcud olmamış saxta erməni dövlətinin olduğunu sübut etmək üçün "tarixi faktlar" yaratmaqdır. Bu siyasət ermənilər tərəfindən Sovet dövründən bəri sistemli şəkildə aparılır. Tək Azərbaycana qarşı yox, eyni zamanda digər qonşu ölkələrin ərazi və mədəniyyətlərinə qarşı da saxtalaşdırma metodlarından istifadə olunur". Bunu SİA-ya millət vəkili Nəsib Məhəməliyev deyib.

Deputatın sözlərinə görə, bu günlərdə sosial şəbəkələr vasitəsilə erməni dalğıclarının Qara dənizin dibindəki qayalıqlara həkk etdikləri yazıları hamı gördü: "1982-ci ilin məşhur “Oqonyok” jurnalı bu mövzu ilə bağlı geniş yazı vermişdir. Qonşu Gürcüstanın ərazisində 400-ə yaxın gürcü kilsələrinin erməni kilsəsi olduğuna iddia edirlər. İrəvan xanlığı, Dağlıq Qarabağ ərazisində arxeoloji qazıntılar apararaq qayalıqların üzərində süni "erməni xaçkarları" yaradırlar. Guya ki, bu ərazilərdə "böyük ermənistan" dövləti olub. Erməni həyasızlığı sərhəd tanımır. Tarixən regionda baş verən ictimai-siyasi proseslərdən, böyük dövlətlərin qarşıdurmasından, sivilizasiyalar arası mübarizələrdən hər zaman öz çirkin məqsədləri üçün istifadə ediblər. Belə çəkişmələrdə böyük xalqların əlində marionet rolunda oynamışlar. İndiki geosiyasi vəziyyət də ermənilərin tarixi saxtalaşdırması üçün münbit şərait yaradır. İkili standartlar, beynəlxalq hüquq normalarının pozulması, böyük güclərin himayədarlığı, onları bir növ ərköyün edib. Ancaq belə davam edə bilməz. Etdiyin hər bir əməlin cavabını verməlisən. Saxta "faktlarla" tarix yarada bilməzsən. Narahat edici məqamlardan digəri isə məscidlərimizi, qəbiristanlıqlarımızı dağıdan ermənilərlə, qardaş münasibəti sərgiləyən üzdən iraq islam təəssübkeşləridir. Utanmadan islam həmrəyliyindən danışan əmmamə həvəskarları hər addımda islam düşmənlərinə dəstək verirlər. Bu barədə xalq olaraq ciddi düşünməliyik".