FLAŞ
» » "Koronovirus tam şəkildə yox olmayıb, diqqətli olmalıyıq" -RƏY

"Koronovirus tam şəkildə yox olmayıb, diqqətli olmalıyıq" -RƏY


"Şəhərlər və rayonlararası gediş-gəlişin bərpası barədə Nazirlər Kabineti yanında Operativ Qərargahın verdiyi qərarı dəstəkləyirəm. Bu qərarın verilməsi karantin rejiminin hissə-hissə yumşaldılmasını şərtləndirir. Bundan əvvəl də ayrı-ayrı sahələr üzrə yumşalmalar olmuşdu, iqtisadiyyatda bəzi məhdudiyyətlər aradan qaldırılmışdı".

Olaylar.az xəbər verir ki, bunu  millət vəkili Nəsib Məhəməliyev deyib.

Onun sözlərinə görə, müəyyən şərtlər daxilində xidmət sektorunun işi bərpa olunmuşdu: "Xüsusi olaraq qeyd etmək istərdim ki, mərhələli şəkildə yumşalmaların səbəbi ölkədə pandemiya ilə effektiv mübarizənin nəticəsidir. Dövlət başçısının bilavasitə rəhbərliyi ilə Azərbaycanda aparılan profilaktik tədbirlər və görülən işlər Covid-19 virusunun yayılmasının kütləviliyinin qarşısını aldı.

Ancaq tam arxayınlaşmaq üçün əsas yoxdur. Koronovirusa qarşı vaksin hələ tapılmayıb. Qarşıdan payız-qış mövsümi gəlir və soyuq havada virusun yayılma ehtimalı daha çox olduğunu nəzərə alaraq, hər bir vətəndaşımız müəyyənləşdirilmiş qaydalara riayət etməlidir. Daha dəqiq desək, nə qədər ki, koronovirus tam şəkildə yox olmayıb, maksimum diqqətli olmalıyıq. Verilmiş qərar olduqca əhəmiyyətlidir və müsbət qiymətləndirirəm".(Sia.az)

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin







“Azərişıq”da yeni kadr islahatları həyata keçirilib


Şərh yaz

Şərh yaz

yenilə, əgər kod görünmürsə