Paşinyanın Dağlıq Qarabağa səfəri növbəti təxribatdır və beynəlxalq hüquq normalarının kobud şəkildə pozulması deməkdir. Hüquqi baxımdan bu məsələyə Ermənistan-Azərbaycan -Dağlıq Qarabağ münaqişəsinin həlli ilə bilavasitə məşğul olan ATƏT-in Minsk qrupu öz münasibətini bildirməlidir.

Təəssüf ki, onların fəaliyyəti sıfır səviyyəsindədir və münaqişənin həllindən daha çox təmsil etdikləri ölkələrin siyasi maraqlarını təmin etməkdən ibarətdir. Açıq demək lazımdır ki, bu qurum reanimasiyalıqdır və funksional bərpası qeyri-mümkündür. Əgər belə olmasaydı, 30 ilə yaxın müddətdə yüzlərlə turist səfərləri təşkil olunmuş, regionda və dünyanın müxtəlif şəhərlərində görüşlər keçirilmişdir. Onların gözü qarşısında ermənistan silahlı qüvvələri Qarabağa yeridilmiş, işğal olunmuş ərazilərdə məskunlaşma siyasəti aparılmış, tarixi-memarlıq abidələri dağılmışdır. Ancaq beynəlxalq hüququ qorumalı olan həmsədrlər bir dəfə də olsa, prinsipial mövqe bildirməmişlər.

Hər zaman demişəm, onları yüksək səviyyədə qəbul etmək yox, nazirliyin şöbə müdiri səviyyəsində görüşərək, imitasiya etməklərinə imkan verməmək lazımdır. Ölkə Başçısının hücum diplomatiyası və mənasız danışıqların keçirilməməsi barədə verdiyi tapşırıqlar xalqın ürəyincədir. Azərbaycan artıq 90-cı illərin ölkəsi deyil, erməni separatçılarını Paşinyan qarışıq məhv etmək üçün kifayət qədər güclü ordusu var.

Düşünürəm ki, Tovuz hadisələrindən sonra ermənilər və havadarları da artıq bunu başa düşüblər. Görünən odur ki, ermənilər cəzasızlıq şəraitində həyasızlıqlarını daha da artırırlar.

Qardaş Türk Silahlı Qüvvələrinin Ordumuzla birlikdə keçirdiyi döyüş təlimləri nümayiş etdirdikləri qəti mövqe imkan verir ki, düşmənin cavabı layiqincə verilsin. İndiki halda, beynəlxalq təşkilatlar rəsmi şəkildə xəbərdar olunmalı, Dağlıq Qarabağın inzibati ərazisindən kənar istənilən məskunlaşma, tikinti-quraşdırma obyektləri dərhal vurulmalıdır. Əks halda o millət, mədəni davranışı, hüquqi dili başa düşmür. Başa salmağın vaxtıdır. Ən vacibi, bu taleyüklü məsələdə xalqın bir nəfər kimi Prezidentə verdiyi dəstəkdir.