» » Qullar kəndində səyyar qəbul keçirilib

Qullar kəndində səyyar qəbul keçirilib


Rayon icra hakimiyyətinin başçısı İslam Rzayev fevralın 2-də Qullar kəndində səyyar qəbul keçirib. Qəbulda hüquq-mühafizə orqanlarının, xidmət təşkilatlarının rəhbər işçiləri və kənd sakinləri iştirak ediblər.

Balakən Rayon İcra Hakimiyyətinin başçısı İslam Rzayev çıxış edərək Prezident cənab İlham Əliyevin rəhbərliyi ilə ötən il ölkəmizdə sosial-iqtisadi sahədə əldə olunmuş uğurlardan, ölkə vətəndaşlarının rifahının yaxşılaşdırılması ilə bağlı aparılan islahatlardan danışıb.  Balakən rayonunda görülmüş işlərdən söz açıb, qarşıda duran vəzifələr barədə məlumat verib.

Səyyar qəbulda Qullar inzibati ərazi dairəsi üzrə nümayəndənin və bələdiyyənin 2022-ci ildə gördüyü işlərə dair hesabatı dinlənilib.

Sonra kənd sakinlərinin müraciətlərinə baxılıb. Cənnətey Telliyeva kəndin “Təpənin qabağı” adlanan ərazisində su arxının təmizlənilməsinə, Rəsul Yetimov yaşadıqları küçənin girişinə  şəhid qardaşı- Yetimov Nazim Nizami oğlunun şəklinin yerləşdirilməsinə,  Anar Əliyev yaşadıqları küçədən keçən nasaz vəziyyətdə olan elektrik naqillərinin təmir olunmasına, Nemət Süleymanov Qullar kənd 1 saylı tam orta məktəbinin binasının istilik  sisteminin yenilənməsinə, eyni zamanda Qullar kənd 2 saylı tam orta məktəbin həyətinə yağış sularının dolmasının qarşısının alınması üçün suötürücü borunun yerləşdirilməsinə köməklik göstərilməsini xahiş ediblər.

Rayon rəhbəri sakinləri narahat edən məsələlərin həlli ilə bağlı  aidiyyəti vəzifəli şəxslərə müvafiq tapşırıq və tövsiyələr verib.
Vətəndaşlar problemlərinin həlli istiqamətində göstərilən diqqət və qayğıya görə ölkə rəhbərliyinə minnətdarlıqlarını bildiriblər.

Mənbə: Balakən Rayon İcra Hakimiyyəti


Azərbaycanda hərbi xidmətdən tərxis başladı - RƏSMİ