» » Ümumilli liderin kəlamından istiqamət götürən Təhsil müdiri

Ümumilli liderin kəlamından istiqamət götürən Təhsil müdiri


Avqustun 16 - da Balakən rayon Texniki və Humanitar Təmayüllü Liseyedə Vətən Müharibəsi Qəhramanı Amin Novruzovun büstünün açılışı zamanı çoxsaylı qonaqlar tədbirdə iştirak edirdi. Bunların sırasında rayona kənardan gəlmiş qonaqlar da vardı. Bu qonaqlar içərisində diqqətimi ən çox cəlb edən Şəki - Zaqatala Regional Təhsil İdarəsinin müdiri Bəhruz Mehdiyev oldu.

Bəhruz müəllimi ona qədər canlı görməmişdim. Haqqında xəbərlər paylaşırdıq.  İlk dəfə idi ki, canlı gördüm. Təhsil İdarəsinin müdirinin təvazökarlığı, tədribə qatılan şagirdlərə necə böyük əzmkarlığa nəzər salması diqqətimdən qaçmadı. Bəhruz müəllim sanki şagirdlərə can atırdı, onlar üçün xidmətə etməyə can atırdı. Yeni tədris ilinin başlaması, şagirdlərə xidmət təhsil müdirinin sanki ən böyük arzusu idi. Onun tədbirdə gələn kimi şəhidimizin atası Şəmsəddin ata və anası Gülşən ana ilə görüşməsi , gülərüzlüyü tədbirdə iştirak edən təhsil ictimaiyyətinin də böyük marağına səbəb oldu.

Bəhruz müəllim tədbir boyu dəfələrlə liseyin ağır sınaqlardan çıxmış əzəmətli binasına böyük məğrurluqla nəzər salırdı. O binaya ki, ora bu vətənə Amin kimi qəhraman oğullar vermişdi. O liseyə ki, bu vətənə saysız hesabsız yüksək savadlı kadrlar bəxş etmişdi. Dünən bir daha inandım ki, bölgəmizin təhsili əmin əllərdədir. Bir daha əmin oldum ki, bu tədris ilindən hər şey daha fərqli olacaq. Bir şeyi gördüm ki, Təhsil İdarəsinin müdiri var gücü ilə çalışmağa, yaratmağa hazırdır. Bu il bölgəmizin təhsil ictimaiyyəti üçün olduqca məhsuldar və çalışqan bir il olacağına artıq əmin oldum. Təhsilə həvəsli bir gənc olaraq, təhsil sahəsində lahiyələrin müəllifi olaraq bu əmzkarlıqla dolu olan rolda əlimdən gələn köməyi  etməyə hər an təmənnasız hazıram. Bölgəmizin ölkənin ən təhsilli, savadlı regionu olması hər zaman arzum olub. İndi bunu reallaşdırmaq üçün çalışan müdir görəndə insan çox sevinir. Bizə də bu yolda Bəhruz müəllimə öncə uğur arzulamaq, sonra var gücümüzlə dəstək olmaq düşər. Çünki ümumilli liderimizi Heydər Əliyev demişkən " Təhsil millətin gələcəyidir".

İbrahim Şıxməmmədov
Balaken.info


"Paşinyan faşistlərdən fərqlənmədiyini ortaya qoydu" ÖZƏL-MÜNASİBƏT


Şərh yaz

Şərh yaz

yenilə, əgər kod görünmürsə