27.06.2019 - cu ildə Balakən rayon Qullar kənd sakini İbrahim Şıxməmməd oğlu Şıxməmmədov tərəfindən təsis edilən sayt ötən 3 il ərzində böyük inkişaf yolu keçmişdir.

2019 - cu ilin sonunda Parlament seçkiləri elan ediləndən dərhal sonra seçki prosesini hərtərəfli işıqlandıran sayt Azərbaycan dovlətçiliyik siyasətini dəstələyərək Yeni Azərbaycan Partiyasının Balakən rayonu üzrə namizədləri, 109 saylı Balakən seçki dairəsinin namizədi Nəsib Məhəməliyev və 111 saylı Zaqatala - Balakən seçki dairəsinin namizədi Kamilə Əliyevanın seçki kampaniyasını hərtərəfli işıqlandırmış, sayt rəhbəri İbrahim Şıxməmmədov Nəsib Məhəməliyevin seçki kompaniyasında təbliğat nümayəndəsi olaraq iştirak etmiş , namizədlə birlikdə kəndbəkənd gəzərək Balakən əhalisinin dərdlərini, problemlərini və həll olunan problemlərini saytda  işıqlandırmışdır.

2020 - ci ilin əvvəlindən Azərbaycan ictimaiyyətinin yaxından tanıdığı gənc politoloq Zeynal Əmrəliyev saytla əməkdaşlığa başlamış , bu müddət xüsusi yazar kimi saytda xeyli sayda araşdırmaçı yazılar , məqalələr yazmışdır. Sayt 2020 - ci ildən başlayan karantin dövrü ərzində Koronavirus bəlası ilə əlaqədar xeyli sayda marifləndici məqalələri, müsahibələri dərc etmiş , bu işdə böyük əziyyəti olan Balakən rayon Mərkəzi Xəstəxanasının fəaliyyətini dərindən işıqlandırmışdır. Vətən müharibəsi zamanı Balakən əhalisi cəbhə xəbərlərini saytımız vasitəsi ilə almışdır.

Saytımız həmçinin Balakənin igid övladları, şəhidlər və onların ailə üzvləri haqqında xeyli sayda məqalələr hazırlamışdı.  Sayt hazırda Balakən rayonunda baş verən hadisələri öncəliklə işıqlandırır, dövlət başçısı , müzəffər ali baş komandan cənab İlham Əliyevin siyasətinin Balakən rayonunda əsas təbliğatçısına çevrilmişdir.

 Cənab prezidentin rəhbərlik etdiyi Yeni Azərbaycan Partiyasının Balakən rayon Təşkilatı saytmızla geniş şəkildə əməkdaşlıq edir. balaken.info saytının kollektivi olaraq saytımızı 3 yaşı münasibəti ilə təbrik edir, vətənimiz və rayonumuz üçün ölkənin ən güclü rayon saytına bundan sonra da fəaliyyətində bol - bol uğurlar arzu edirik. Ən böyük məqsədimiz Azərbaycana, onun rəhbərinə xidmət etmək , hər daim dövlətçiliyinin keşiyində durmaqdır.