» » Balakəndə yerləşən Qubek Otel hərraca çıxarılır

Balakəndə yerləşən Qubek Otel hərraca çıxarılır


İyun hərracının ən yüksək qiymətə satılan əmlakı Balakəndə yerləşən “Qubek Otel” dir.

Hərracın ən bahalı əmlakı ilkin start qiyməti 9 100 000 manata olan “Qubek Otel” istirahət zonasıdır. Əmlak turizm baxımından yüksək potensialı olan Balakən rayonunda yerləşir. Otelin ərazisi də genişdir. Ümumi faydalı sahəsi 9297.4 kv. m, torpaq sahəsi isə 1,34 hektar təşkil edir. Adıçəkilən əmlak 14 iyun tarixində keçiriləcək hərraca çıxarılıb.

İqtisadiyyat Nazirliyi yanında Əmlak Məsələləri Dövlət Xidmətindən verilən məlumata görə, hər kəs Xidmətin rəsmi saytından (emlak.gov.az) və ya Özəlləşdirmə portalından (privatization.az) hərraca çıxarılan dövlət əmlakı üzrə seçim edə bilər. Elektron Xidmətlər Portalından (e-emlak.gov.az) müvafiq hərrac xidmətini seçərək qeydiyyatdan keçib, dövlət əmlakının ilkin hərrac qiymətinin 10 faizi məbləğində behi ödəyib hərracda iştirakçı statusu almaq mümkündür. Sifarişçilər hərraclara onlayn formada da qoşula bilər.

Prosesə marağı olanlar da hərrac günü həm Əmlak Xidmətləri Məkanına gəlməklə, həm də Elektron Xidmətlər Portalından (e-emlak.gov.az) “Elektron hərrac” bölməsini seçərək hərracları qeydiyyatsız formada izləyə bilərlər. 7, 14, 21 və 28 iyun tarixində keçiriləcək hərraclara çıxarılan əmlaklarla müvafiq olaraq bu linklərə ( https://bit.ly/3PEa6Vm, https://bit.ly/3yZ3Z86) daxil olub ətraflı tanış ola bilərsiniz.

Balakəndə fərdi yaşayış evi yanıb