Balakəndə üçotaqlı fərdi yaşayış evi yanıb.

Balaken.info-nun məlumatına görə, yanğın hadisəsi saat 01:30-da rayonun Katex kəndinin Qayvalı küçəsində, kənd sakini Şahin Şaviddin oğlu Balayevə məxsus, ümumi sahəsi 110 kv/m olan kürsülü birmərtəbəli 3 otaqdan ibarət və hazırda yaşayış olmyan fərdi yaşayış evində baş verib.

Yanğının söndürülməsi üçün əraziyə Fövqaladə Hallar Nazirliyinin (FHN) Balakən və Zaqatala rayonlarının Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib. Yanğın naticəsində evin yanar konstruksiyaları içərisində olan ev əşyaları ilə birlikdə yanıb. Yanğın zamanı xəsarət alan olmayıb.

Faktla bağlı araşdırma aparılır.